|
السلام عليكم ....
مساء الخير على جميع الأعضاء والزوار .... والحقيقة الموضوع مهم جدآ جدآ جدآ والصراحة الشرهه علينا حنا يا اهل القصيم اللي نعامل شركه فاشله مثل شركة زين وهؤلاء المرتزقة تطاولوا على اعمدة المملكة العربية السعودية وتطاولوا على قلب المملكة النابض كما قال صاحب السمو الملكي ولي العهد ووزير الدفاع والطيران والمفتش العام سلطان بن عبدالعزيز آل سعود مقولته المشهوره (( اذا كانت المملكة جسدا فالقصيم قلبها النابض ))
فكيف لشركة بدائية في السعودية تتجرأ وتسب وتستهتر بأهل الكرم والوفاء والشجاعة وكيف يهنئ لها بال بأن تهين منطقة ومن اكبر المناطق بالمملكة ....
والله المفروض اننا نسوي اكبر حملة مقاطعة للشركة المتخلفة علشان محد يتجرأعلينا مره ثانية وينزل اعلان مثل الاعلان السقيم حق شركة زين ...والله انها اهانه لنا يا اهل القصيم يتهموننا بالبخل وينسبون البخل لمنطقة القصيم ...وحنا اللي ينضرب فينا المثل بالكرم والجود والطيب ...
ولا عاد الممثل القبيح قليل الأدب اللي تجرأ ووافق انه يقوم بالدور هذا ولا ضرب حساب لشعب القصيم الطيب ...
والحقيقة اهني صاحب الموضوع واشكره من اعماق قلبي على هذا الموضوع المهم والغافل عنه كثير من اهل القصيم ....
نرجوا من اخواننا القصمان التفاعل مع الموضوع ونشره في كل مكان وبرسايل الجوال والمنتديات وجميع المواقع ....
|