[نعوووووووووومي]

السلام عليكم كيف حالكم ياحلوين

بعدماقرات موضوع اختي رحيل المشاعر خاصة انه عن الحموله والغثا

حبيت اسرد عليكم معاناة اختي مع ام زوجها واتمنى اي وحده تقرا الموضوع لاتخرج الابرد اوراي

اول ابقولكم شخصية اختي طيبه وحبوبه جدا وقمة البراءه لكنها مش ذيك الشخصيه ياكل البس

عشاه المهم له سنتين متزوجه ساكنه مع اهل زوجه هنا تبدا المعاناة

من اول زواجه اكتشفت بغيرة ام زوجه الشديده تخيلو اول مايدخل زوج اختي علطول تطير لمه

وتحضنه وتروح تجيبله القهوه اوعشاه واختي صنم تفرج وياويله لوتقدمله شي ايوالله ماكذب

عليكم تمعط الصحن من يد اختي تقول هذا ولدي وتجلس تقهويه ولاخلص تجلس هي وياه جلسه

رومانسيه وتقبله وتحضنه والله مازدت ولابحرف واختي تفرج عليهم وهي عروس

ويقوله زوجه روحي انتي هناك بعيد نبي نسوي انا وامي فلم هندي

واختي تروح فوق وتبكي ولاتبين له شي والله العظيم ماتشوفه الابالنوم ولا تطلع هي واياه ابد

انا ماقول شي هذه امه بس ليش يسوي كذا قدامه اوعلى الاقل يعطيه مثل مايعطي امه

واذااشترت اختي شي يقول زوجه قولي لامي من اهلي لاتعلمينه حتى النفقه ماتبيه يصرف عليه

وياليته على كذا حتى اخته شريره مره قالت لاختي شكل اخوي مايحبك يكش منك

اختي اسكتت ورقت فوق تصيح بعد اسبوع ارسلت له رساله تقول ليش تجرحينن وانااعتبرتك مثل

اختي الله يجعلك تسمعين مثل الي سمعتين وكما تدين تدان

اخت زوجه علطول خبرت امه وكان الوقت الظهر واختي ورجله نايمين تقول اختي اسمع

لجه وصجه مادريت الا الي طراخ وتفتح باب القسم اذا هي بخالته تقول اطلعي يالي

ماتستحين على وجهك تدعين على بنتي رجل اختي قام وقعد يهاوش اختي وهي زعلت وراحت

لاهلي وبعدين رجعت وحطله مطبخ وبدت ماتنزل عندهم مايبغونه وهي ماتبيهم بعد

بس مشكلته دايم محبوسه لحاله ماعنده الاغرفة نوم وجلوس فقط وزوجه مايرقى الابالنوم

وماتطلع لاهلي الابالسبوع مرتين مره سمعت خالته تقول لرجله مب دايم انت اللي توديه لاهله

خل اخوانه يجون ياخذونه وتدعي على اختي المشكله لواقولكم ماتصدقون قسم بالله

ان ابوي مايدل بيت اختي اذاقلتله رح لمه يقول استحي اروح من دون عزيمه

وممنوعه من الصديقات والملاهي والاجتماعات

خوالي ماتجي لمهم الابالشهرين مره ملت من الوحده حتى الشغاله زوجه الي جايبه

ومره قالت لخالته ابروح اصلي بالمسجد كان برمضان ابحط ولدي عند الشغاله

ورفضت قالت الشغاله شغالتي

وزوج اختي يتفرج وساكت يوم قالت اختي ليش ماقلت لامك خليه يقعد جلس يهاوشه

يقول مالك دخل الشغاله اناجايبه لامي مالك حق تكلمين

لوتشوفونه تغيرت جذري

ماكانه اختي اللي اعرفه نفسيته تعبت وماله خلق ودايم هواجيس ماعمري قعدت معه الا

تشتكي وتبكي قطعت قلبي عقب خفة الدم والمرح

وش تسوي بالخاله الموذيه