[عربي أصيل]

أم منصور صدقتــــي والله ..
انا تعرضت إلى خسارة 60000 ستون ألف ريال في الأسهم عن طريق سويت طلب إلغاء شراء أسهم عن طريق الإنتر نت طلبت إلغا اكثر من مره .. حسبت استجاب النظام يوم صار من بكرى حصلته مشتريلي والسوق أحمر نازل مره .. هذه سالفه واحد بس .. ناهيكم اذا زان السوق النظام يتعطل والمشكله هذه بأشتراك وبمرسوم ولا يسمحلك بالإشتراك الا ان يكون في الحساب مبلغ كبير وزيادة على ذلك يأخذ على كل عملية بيع أو شرء فلوس ..
مصرف الراجحي الحقيقه خدماته صفر ونحن مغترين فيه .. وقروضه ارفع فوائد من جميع البنوك وهو من بد البنوك ..
غير انه مثل ما تفضلتي يفرض رسوم بطاقه وفتح حساب + ودفتر شيكات الدفتر بعشرين ريال ولو تطلب بعد برنت عن الحساب قالك الورقة بعشره ريال .... الخ والبنوك الثانية بالمجان بدون رسوم

وانا الحين تراني المشكلة طالباً اخلا طرف لبنك آخر تصدقون محسرين فيني .. انا الحين كل يوم اتصل على (( الهاتف المصرف )) الي أسمي انا (( الهاتف المخرفي )) واتطلبهم يرسلون إخلا طرفي من الرياض الى فرعي بالقصيم ويقولي الموظف مازال تحت الدراسة .. الله يعين ردد ما اطولك يا ليل ..

مصرف الراجحي اذا انت (( تميز )) يعاملك معاملة صح وكل شي بالمجان يعني بدون رسوم أما اذا انت غيركذا فيبي يجلدك بذا الرسوم جلد
فتحت حساب في احد البنوك الأخرى وحصلت معاملتهم 100%

طيب بضرب مثال لكل شخص ما اقتنع بكلامي وبأن البنك سياسته كلها من صالحة هو فقط ..
المثال / الحين لما تطلب تمويل مسكن .. يعني تشتري منزل على الأقصاد يشتريها البنك ويرهنها ويقصدها عليك , كويس جميع البنوك اذا لا سمح الله حصلت وفاة للشخص المقترض يعفاء من السداد وجميع الأقصاد المتبقية ويفرغ البيت للورثه فوراً مهما كان لمبلغ .. لكن مصرف الراجحي بالذات يطلع البزارين بالشارع ويسوي مزاد على البيت ويبيعه حتى تكمل فلوسه ... هذه حقيقت مصرف الراجحي ...

أم منصور لك الشكر والتقدير .. والله يحفظك ويرعاك ؛؛؛؛