[القولون]

السلام عليكم

كنت في معرض اكسترا اليوم ووجدت عرضا فريدا من نوعه وهو
تلفزيون سوني ال سي دي 40 بوصة فئة w
( فئة w تعتبر من افضل فئات السوني )

العرض هو ان سعره حاليا 3500 ريال ، من اصل خمسة الالف وشوي
وانه اخر قطعة في المحل.

العرض مغري جدا، ويقول ان العرض نزل اليوم العصر فقط.

تركت المعرض وذهبت فورا إلى الوكيل ( عالم سوني ) في النخيل،
ورأيت سعر نفس التلفزيون وهو 4999 من اصل خمسة الاف وشوي
وسالت البائع:
لو احصل هذا التلفزيون ب 3500 ريال وش رايك؟
قال : مستحيل تحصل له بهالسعر.

طبعا انا بابتسامة عريضة قلت له ان اكسترا عارضينه ب 3500
قال : فئة w؟؟
وبابتسامة قلت له: نععععععم


قال بابتسامه : اجل اكيد قديم!
قلت وشو؟؟
قال هذا اللي عندنا فئة w550 واللي عنده w450
قلت له والله مادري عن الارقام هذي ، يمكن هذاك 550
قال طيب ، ازرار التشغيل فوق التلفزيون صح؟
قلت ايه صح
قال هذا هو القديم
قلت والجديد؟
قال يكون على الجنب.
قلت اجل ما يهرول الذيب عبث
قال وازيدك من الشعر بيت. هذي الفئة القديمة ( اردى ) من فئة s .

وعشان تعرفون الفرق اعزائي :
تلفزيون سوني له ثلاث فئات اعلاها بالترتيب
w
v
s

وقال لي ان تلفزيون ال سي دي عمره الافتراضي 60 الف ساعة، وتلفزيون البلازما عمره 15 الف ساعة. وتخيل ان التلفزيون اللي باكسترا قديم ، وشغال من زمان ... يعني انواع الساعات المستعملة. وغير كذا ... بينزل بعد 8 شهور الموديل الجديد.. يعني حتى 550 بيصير قديم!.


هذا للعلم اخي المستهلك عشان وانت تشتري تعرف ماذا تشتري.


وسلامتكم