وش انت كاتب يا الدافور
زاد يارب أنتشي ريحة صنان
اقول
وتسمع هالشايب يناديك
يا محاااامااااد
رح جب من محل ابوعبدالعزيز حق السباكة قوطي شحم
وقله يمرك عقب المغرب أبوي يعطيك القروش ،،،
يقاااااله لعبته التشحيم لا أشحم له إباطه
يبي يشحـّـم ركبت المدور الي دايم صدأ
<<<== متعوبن عليه صدأ ، ، اللغة تدددددهر :D:D
الربل متقطع بس هالشايب ناشفن راسه ولاهوب حاطن إلا شحم
والي أردى منه
هماوه راقين فوق السلم
وانت ميتن عرق تحته تحتريه يآمرك
ياما قدمت رجل ياما أخرت رجل
وهو يمد لك بيبان الكنديشة
عاد تنزلهن وأنت أنواع الكسل
وتشوف رويحتك رابطن الثوب بالوسط أو مدخله بالسروال
همن أتطلع سروال النص وتسالم أخوك الصغير
صااااالح صاااااالح
مد اللي وشغل الديمنو خل نغسل بيبان الكنديشة
والله ياهي إحباط مهوب معقول
عاد لا انتصفت بتغسيل بيبان الكنديشة
تويز أمك مع باب الصالة وتقول
أوووووهـ وش سويتو بالحوش
البارحة مغسلتن الحوش
وراكم ما غسلتوهن عند باب الشارع
همن عاد تلتفت أمك وتسالم حدا البنات
يا عفاااااف يا عفااااااف تعالي
همن عاد تجي عفاف من المطبخ تمشي طرليون
وكل ايدينه فيري وفاسرتن كمومه إلى إباطه
<<<== الهرجه اليوم إباااااط :D:D:D
شوفي ،،
أول ما يقضي أبوتس من الكنديشة وصالح من تغسيل البيبان
علطول اغسلي الحوش
علشان قشاش بيبان الكنديشة ما يلزق
عاد عفاف والله من الردى
ترد على أمه تقول
يمه هما البارحة علي تغسيل الحوشة
وراه ما تقولين لحصة
الأم ، ، أيه يا بنيتي هاليوم بس لأن ابوتس قاعدن يغسل الكنديشة
<<<<== والله من الكده بهالشايب :D:D
عاد الشايب يتسالم محمد
يا محاااامااااد
//// محمد واقفن عند باب البايكه حاطن أيديه على شدوقه من النتف
،، محمد ما رد على أبوه
صاااالح صاااالح ،،، ماش صالح هاجن لخوياه بالشحنه
فهااااد فهاااااد
،،، سممممممم
صدفه مارن من عند الحجره <<= والله من ردات الحض
الشايب = يافهد رح افتح دولاب العدة
تلقا اللي الصخيف رح جبه
لقيت الليات متسددات وابغيرهن
<< قصة حزييييــنهــ أهـ أهـ أهـ أهـ . ،،،
أقول ،،
يا حبيل المكيفات السبلت
بس غاليات
مالك إلا تنطل من مسجد حارتكم
وعاشت ايامك يا الدافور المصري
مدحت شوقي بريده ،، شاصي طويل
:D:D و(((ــــــــــــــلام أليكم :D:D