[أبو قرون]

اقتباس المشاركة الأساسية كتبها layal اخي الكريم انا اقترح عليك مشروع لكن مادري كم بيكلف عليك .... المشروع هو عباره عن صاله او قاعه كبير مكيفه وهو خاص بالاطفال من عمر سنه الى 13 سنه الموجود في الصاله العاب لجميع الاعمار بس مو العاب خطره لا الي ملببسه بالاسفنج يعني مثل النطيطات وغيره الي ماتؤذي الاطفال ومكان يكون على جهه من الصاله للاطفال الصغيرونين وتكون العابهم رايقه ومناسبه لهم ويوجد غرف مجهزه للاحتفال بالنجاح مثلا ويكون فيه كفي ومطعم للوجبات السريعه والدخول بتذاكر عاد انت تحدد قيمتهن ويكون ثلاث ايام للرجال يعني الدخول مع الطفل واربع ايام للنساء صدقني مشروع ناجح بس بشرط امنع الشاي والقهوه لانهن راح يخسرنك خلهم على الكفي والمطعم عاد انت تقدر تسوي اضافات وافكار جديده والله يوفقك ويزيدك من رزقه

فكرة جميلة جداً .. ولكن لا أعتقد نجاحها في بريدة !!

أشكرك .

اقتباس المشاركة الأساسية كتبها فشخره الله يبارك لك بمارزقك الله أخوي لم اقرا الردود لكثرتها أبطرح عليك بعض المحلات التي اتوقع تحقق مكاسب جيده وقد تحقق منها مكاسب لو فتحت مثله ومنها محل بيع تمور بشمال بريده أيضا الكمبيوتر والبلاستيشن صارن من الأساسيات فلو فتحت محل يجمع بين بيع وشراء واصلاح أجهزة الكمبيوتر والبلاستيشن والله الموقف

أشكرك أخي

ولكن مثل هذه الألعاب لا أعرف عنها شيئاً وتحتاج وقتاً طويلاً وهي كما تعلم تتطور باليوم والليلة ففي اعتقادي أنها تحتاج لمحلات كبيرة ومعروفة .

أشكرك .

اقتباس المشاركة الأساسية كتبها قمردين فكرة مشروع رائع جداً تعمر فلل دبلوكسات وتبيعها مكسب الفله الواحد 180 ألف ريال خلال وقت تعميرته أعرف شباب طلعو على البحر سبب هذه الشغلة .

فكرة جميلة . ولكنها تحتاج لمبلغ مالي كبير خصوصاً في هذا الوقت حيث ارتفاع العقار بوجه عام .

أشكرك .

اقتباس المشاركة الأساسية كتبها layal مششششششششششششششروع ناجح باذن الله مجموعة مسابح دور لك ارض بموقع ممتاز وحط فيها المشروع بصراحه بريده محتاجه مسابح للشباب بدال مايروحون للمسبح الي بالرس مدري بالبكريه يصير عندهم ولا تحط مسبح واحد لا خلهن مجموعه تقريبا اربع يكون درجات يعني مسبح درجه اولى يكون فيه مميزات حلوه يكون كبير وغويط ههههههه مفلتر ويكون له تذاكر خاصه واغلى والمسبح الثاني يكون اقل وتذكرته اقل وهكذا وتحط دورة مياه ومناشف ومدرب لكل مسبح ولا تنسى الصاتك اهم شي ههههه صدقني مشروع ناجح وخاصتن ببريده والله يوفق الجميع

مشروعك هذا يحتاجلمبلغ كبير جداً . ويحتاج لموقع مميز وكما تعلم المواقع المميزة تحتاج أيضاً لمبالغ مالية كبيرة .

أشكرك .

اقتباس المشاركة الأساسية كتبها جهاد السنة فكر بما ينفعك دنيا وآخرة,, تصدق

شكراً على هذه النصيحة ولعل الله يقبل . شكراً جزيلاً .

اقتباس المشاركة الأساسية كتبها lii107 ما أقدر أقول إلا أنك تفتح مجمع تجاري صغير يكون فية مثلا تموينات و حلاق و مغسلة !!!!! مثل هذي المحلات ما لها موسم محدد....و أبتعد عن المشاريع اللي لها موسم محدد من السنه ...

حلاق . !!!!!!!!! وأين نحن من الحلال والحرام ....... ؟؟؟؟

عموماً شكراً لك .

اقتباس المشاركة الأساسية كتبها كتاب معك 300 الف وداخل انترنت لو معي ميه الف مادخلت هههههههههه عموما استشر من هم حولك ولهم خبرة

وما المانعمن دخول النت .؟؟؟؟ بالعكس الآن النت هو بابة العالم وتجارة المستقبل .

أشكرك .

اقتباس المشاركة الأساسية كتبها اعذب احساس السلام عليكم أخي الكريم حقيقة موضوع جدا مميز ويكفي انه على الأقل ممكن يلفت انتباه الغافلين إلى العمل ... أنا حيقية بداية ماكان فيه فكرة حاضرة لكن طرأت لي فكرة من مشاركة الأخت layal ... والفكرة عبارة عن تأجير ألعاب أطفال مثل النطاطات ويكون ذلك ... بالتوصيل للإستراحات حسب الطلب وأيضاً بالإتفاق مع أصحاب الإستراحات بحيث يعرض على المستأجر ويبدو لي أن المشتغلين بذلك حتى الآن قليل وهي فرصة ... بارك الله قي مالك ورزقك من حيث لاتحتسب ... تحياتي ...

فكرة جميلة . ولكنها تحتاج لمتابعة . !!

أشكرك .

اقتباس المشاركة الأساسية كتبها سـلـطان زمــانـه اللي يطرح بهن البرررركه اخووووووي ويوفقك ويرزقكك الرزق الحلال ..................

آمين . بارك الله فيك .

أعتذر من المشرفين لرفع الموضوع لعل الله أن يكتب لهم ولنا الخير حيث كان .