[•°انكسار الأماني°•]

هذي ردود شباب بالله عليكم ؟؟
يارب إذا عيالي مثلهم ماأبيهم قسم بالله ماأبيهم ,
وبس مير صدقته وجيت تنقل معاناته مع أمه ,
هذا كذاب يبدو إن زوجته هي اللي ماتبي أمه لكن قلبها على أميمته ,
إذا هو صادق يخلي سفرة لأمه وسفرة لزوجته بس لاهو يبي كذا ولا المليحة تبي ,
أدري بتفكيركم ياشبابنا العاقين , الأم تضيّق صدوركم لاقالت سافر بي ,
وتبون السفرات يامع أصدقائكم وإلا مع زوجاتكم , طــــل بعيونكم طــــل ,
والأم حقه حملت وولدت ورضعت ونظفت وطلعته رجل كبر الحمار ويكرم الحمار لإنه ينفع أهله مهب مثله خاين العشرة ,
لابعد من زود العقوق في رفيقك يقول أمي رافضة أم أبوي , أعوذ بالله منه هذا مولي , الظاهر ماهنا ذاك الغلا لأمه ويبي يصرفه بأي طريقة .

الله يكفينا شرهم هذا شغلهم مع حلوة اللبن أجل وش بعدين يسوون ؟؟
أنا من زمان قايلة رجالنا قصدي لارجالنا مافيهم خير هالدجالين .

لذا قل لرفيقك ذا يودي أمه لدار المسنين ويفتك منه , هذا الحل اللي يرضي الزوجة ولاغيره .


؛


loquacious~~

تفكيرك يناسبن هـه
بس وراك تقولين تروح معه خالته هاااه ؟؟
وشلون تلبس بنطلون خخخخخخخخخ << ترى أقسم إنهن مايبن الخالات علشان اللبس ياحلالي ,
وحدة من صديقاتي تقول ماألبس على كيفي لاراحت معي خالتي ياخزياه عيب ألبس قدامه لبس مش مضبوط ,
المشكلة إنه كلاكه لبسه دايم خلاعه أنا ياوحدة ماله من تعريه بس خوف الله جاء لعيون الخاله هـه .
وحتى لو هي محافظة اللحين اللبس مايجي إلا بالسفر ؟؟ سنة كاملة عايشة معه في بيت واحد تباً لك وحبكت على السفر ,
لاعاد اللي يقهر ويغث بعض البنات تلقينه حوسه ببيته وأطلق لبس تلبسه قميص روز تشري درزن ألوان ثم لاسافرت تطن معه تصير باسكال على غفلة خـخ
قسم ذولي مريضات ولافيهن ثقة من أنفسهن ولاقيات رجال أشد مرض منهن لايستطيعون المقاومة ولاتقولين ملتزم أو غير ملتزم ماتفرق ,
وإلا وش بيصير بالدنيا لاراحت أمه ؟؟ حياه الله السيارة سيارة ضناه بالعكس وناسة لو ماتكسب إلا دعواته لهم ,
أهل العقول براحه يابنت , وأهل القلوب البيضاء بسعادة أيضا , الله يجعلنا أكبر من هذا بكثير ,

,