[العباس الشنقيطي]

اقتباس المشاركة الأساسية كتبها هالي يارجل هذا غيض من فيض وبعض الرجال مغلوب على أمره وزوجته تتفرج على هالرجال اشكال وألوان ثم تقوله القناة زينه كلها مشايخ عاد وين المشايخ الجبيلان للتنكيت والبقيه برامج شبه ستار كدمي أشكرك بس مطلوب تصحيح الصورة لبعض المغلوب على أمرهم

بيني وبينك انا مرة كنت جالس اتفرج عليهم ودي اعرف وش هي هالقناة إلِّ العالم تتكلم عليها وتصادفت اني شفت اثنين شباب يطبخون في المطبخ ووحدة جالسة اتكلمهم من المغرب مدري من الجزائر وكل اشوي حط فلفل اسود وزيد الملح اشوي وعفص بادينك اللحم المفروم وخرابيط مالها أول ولا آخر لحد ماشفت هذاك المذيع إلِّ أجزم انه شيعي خالص بنسبة 100% وهو جالس يتمخطر بينهم قلت الله يعين راحت العقيدة وطي..وطبعاً الشباب الاثنين خسروا في الطبخ وبعد ماحطوهم في السجن بدؤوا يقرون الشات الموجود على الشاشة إلِّ كله سلام وتحيات ...فيه إنسان يرضى على اخته انها ترسل رسالة تحية لشخص غريب عليها ؟!!! وين الغيرة ووين الرجولة؟؟؟! الانسان رب العزة والجلال عطاه عقل يفكر وميزه عن الحيوان مافيه انسان سأل نفسه وش هي الزبدة من هالقناة ؟؟؟!!إذا كان عن المحاضرات ياكثرها وإذا كان على الترفيه احسن يرفه نفسه بشيء مفيد لكن انه ينبطح قدام التلفزيون ويضيع وقته هذا مالا يرضاه لا عقل ولا منطق، بعدين البرنامج موجه للفتيات الشباب مالهم دخل فيه وهذا اكبر دليل ان البرنامج جداً خبيث ، ناظروا الصور إلِّ فوق وشوفوا العناق الحار والضم مع إن هذا مو من عادات المسلمين ،عادات المسلمين المصافحة وليس العناق.