[هواوي بريده]

اقتباس المشاركة الأساسية كتبها عبدالملكـ وبالنسبة لمشكلتك فهو يدل علي قل حيلتك ،، لا يجوز يا اخي السكوت علي مثل هذه الاشياء ولا احد يردك عن الشكوى .. الفساد في كل مكان حتي في القضاء .. يعني لا تعصم الدكاترة عن الخطأ والانفعال ،، لكن لك مشكلة حل ،، اما سالفة الدكتور يبي يرسبني ،، فهي حيلة العاجز ،، للعلم ترانا درسنا في الجامعة ولا شفنا الكلام الذي يتهم فيه اساتذة الجامعات ،،،، والجميع يعرف خلو جامعة القصيم من هذه النوعية ،،، ودائما من يتكلم في الدكاترة تحصل معدلتهم يكاد لا يستلم المكافأة .. اسأل الطلبة المتفوقون عن الجامعة ،، ولا تسأل الرعاع الذين يعيقون جامعة القصيم في مسيرة تطورها ،،

ياخي وين عايش انت
بالنسبة لموضوع قلت الحيله فأنا ومعي زملائي شكيت الاستاذ اللي تكلمت عنه بالاول عند عميد الكليه فقال وهو يضحك
(( أنا ادري انه يعمل كذا وكذا وساكت قلنا ليش قال هذا اللي يناسبن ))

اما الشكوى الصحيحة في هذه الحالة فهي ترفع الى الله ثم الى أمير المنطقة او نائبه

اما موضوع الفساد انه بكل مكان فهذا عذر غبي مع احترامي لك

اما موضوع لكل مشكله حل فحنا نطرح الموضوع ونشوف الآراء عشان نطلع بنتيجه

اما حيلة العاجز اللي أخويتنا عنه فالدكاتره هناك يريدون الا تناقشهم بأي موضوع سواء علمي او غيره فهذي وانا اخوك اللي تسمى حيلة العاجز (المزور)
بل يريدوننا ان نخضع لهم ولا نتجرأ على مناقشتهم ونترجاااهم الا نرسب والبعض يبي فلووس وهذا لا يعني الجميع
وأقسم بالله العظيم انه حصلت معي طلب الفلوس والدكتور ذا حي يرزق بالجامعه
وحنا ولدنا احرار واعزاء لا يتناسب هذا الشي مع مبادئنا الدينيه و الأخلاقيه والعلميه

اما موضوع انك درست بالجامعه ((ما انصحك تعلم احد انك متخرج من هالجامعه ))
فأعتقد اننا كلنا درسنا بالجامعه وان كنت تكذبنا بما حصل فهذا شأنك الخاص فلا تنكر الامر

اما موضوع المعدل وغيره
أبشرك انا متخرج ومن اصعب الاقسام بالجامعه ومعدلي جيد جدا
ولكن دون اي فائده علميه ولا عمليه ضياع في ضياع
ولكن التحقت بدورة تدريبيه خارج المملكه
والآن اعمل في شركه من أكبر الشركات اللي بالمملكه
وراتبي ولله الحمد اكبر من راتب عميد الكلية بنفسه

في النهاية انا اشك انك متخرج من هالجامعه ذي
وتتبع نظرية خالف تذكر
فحنا ما جينا ننتقد هالجامعه عبث
الا اننا نطمح الى التغير والتغيير العاجل
هذي الجامعه هي الملجأ الوحيد بعد الله لطلاب المنطقه
وهي اللي تأهلهم الى الحصول على الوظيفه وبالتالي المعيشة يا عزيزي

أتمنى من اللي يقدر يوصل هالموضوع الى امير المنطقه او نائبه يساعدنا
وأنا مستعد ان اقدم دلائل على موضوعي
وخير دليل ((هذا التقييم ))
ولو تسوي الاماره استفتاء من الطلاب انفسهم

أشكركم على متابعة هالموضوع وأتمنى انكم تاخذون الموضوع بمحمل الجد

تقبلو خالص تحياتي

هواوي بريده