[بودرة نونو]

الحمدلله والشكر ..
هذا شي انا عاشرته بعيني .. والله اعرف وحدة تقول اتضايق لاصار يكلم خواته ويضحك معهن !
من الغيرة مايجلس لحاله مع اهله لازم تجلس معاه حتى لو في اخوان زوجها تلبس جلال وتقعد كل هذا غيرة من خواته !!
المشكلة خواته كلهن كبار وعيالهم متزوجين !
وقدرت تفرق بينهم والحين علاقتهم من 3 سنين سطحية من عيد لعيد !!
اعتقد انه هذا يسمى غيرة مرضية .. وفعلا هو مرض نفسي وهي تتوتر وتتصرف بهالشكل غصب عليها ... وهي بنعمة ان زوجها مامل من هالغيرة ولا لو احد ثاني قضبها الباب لانها تجاوزت المعقول بغيرتها من والدة زوجها !!

واذا صديقتك هذي فعلا تبي حل تتجه لرب العالمين وتدعو الله انه يخلصها من هذا المرض . ودايما تدعو (اللهم لاتجعل في قلوبنا غلا للذين آمنوا)

وتستوعب ان هذولي اخواته وامه والطبيعي والمعروف انه يجلس معهم ويسولف معهم ويوديهم ويجيبهم وتستوعب انها غلطانة ومخطئة اذا شعرت بغيرة من هالامر ..
المهم هنا كيف ( تستـــــــــــــــوعب )!
دايم تردد في خاطرها وخاصة لما تروح لهم تردد انه عادي لو تكلم معهم ..
تردد على نفسها وتحذر نفسها بالطريق لهم مثلا انها تتوتر او تغار وانه شي طبيعي
اذا وداهم ولا جابهم على طول تردد مع نفسها .. عادي .. طبيعي ..
ومع الاستغفار ان شالله بتتجاوز هالمشكلة .
لكن المصيبة اذا كانت صديقتك ماعندها استعداد لحل المشكلة . او انها ترى ان الخطأ منهم !! هنا فعلا مصيبة !