[دعبل نجد]

بعض القصائد لا تحتاج لمقدمات وهذه من هذا القبيل :

[poem="type=1 font="bold x-large 'traditional arabic', arial, helvetica, sans-serif""]أحوك يادربٍ مشيته على شوك = ماكنت مجبر لكن الظن غدار
ياشينها لا صرت ضايق ومتكوك = واللي تحبه حيل شطت به الدار
الهم يلعب بك وربعك تناسوك = يالله جنبنا البلاوي والاكدار
مانيب عاجز لكن الوقت مشروك = والحمد لله مومنينٍ بالاقدار
ولاني على درب البطولات صعلوك = أنا الذي في ساحة الموت سمسار
يو م الردي يقلط على حب وعلوك = الذيب شبعته من قباب الامهار
بس البلى لا صرت في ساحة ملوك = أعني ملوك الطيب والحسن والكار
أصير مثل العبد والعبد مملوك = والطيب قيدني من يمين ويسار
هنا يين الضعف والذل يا اخوك = في مجمل الاحوال من يسر واعسار
واليوم ياتركي ترى الباب مصكوك = يكفي ترى كتفي من الحمل منهار
انا اشهد ان الحب مابيع بصكوك = لكن صك الحب طاعه ومقدار
ودي بشوفك لكن الناس غروك = قالوا لك ابعد وانت بارع بالاعذار
تعال ياتركي ترى الشي مدروك = عندي لك علومٍ خفيفات واسرار
ان جيت ربعي باللوازيم لفوك = وان رحت تلقى بالمخاليق سيار
مع السلامه لاطريدٍ ومتروك = دربك خضر مفروش بانواع الازهار[/poem]