طريقة عمل الخمرية التوب
اللي ماعليها كلام لكن هاه تبينها زي خمريتي اقسميها 2 عشان اذا خلصت الاوله تكون الثانيه جاهزة واروع من الاوله
اتبعي الطريقه بحذافيرها مو تلخبطين وتجين تقولين مش ولابد ريحتها
عاااااااد لي حق اسميها بسمي
((((خمرية زهور الوادي الملكية ))))
1_توله دهن عود معتق درجة اولى انا اخذه من السعوي تعودنا على جودة بضاعته (سوق الديرة شارع الملك عبدالعزيز)
2 _تولة مسك (السعوي )ويمدحون الدخيل بس ما اعرف مكانه
3 توله من اي النوعين تبين انا احط نصف من مسك اجمل ونصف من مخلط البداح اللي بالقبة
4 علبه تراب المسك بخمسه ريال تقريبا
تحطين المكونات اللي ذكرته مع بعض لكن تراب المسك نحط منه نصف كمية السوايل لانه راح يخمر بالسوايل ويكبر حجمة شوي
بعد خلطهم مع بعض تقفل العلبه جيدا وتوضع في مكااااااااااااااااان غريب ادري كلكم راح تضحكون
بس راح اقول اسم هالمكان وهو (مكان مضلم يعني تدفن في تراب بموجب اني ماعندي تراب ببيتي حاطة حوض مليان تراب وادفنه فيه لانها لازم تبعد عن اي اشعه سواء شمس او كهرباء) بعد ذلك انسيها في التراب 40 يووووووم ياويل اللي تلقف وتفتحها قبل راح تخسر اتعابها وماتجي على الكيف بعد تمام الاربعين زي ماقلت
حنا الافضل اننا قسمين الكميه على علبتين فاطلع وحده فقط واستعملها واخلي الثانيه في التراب مدفونه في خبر كان
عشان اذا خلصت الاوله تكون الثانيه جاهزة ومتخمره اكثر فطول مدة التخزين للخلطة حملت اسم خمريه اي ماخوذه من التخمير ......وبعدها انسي تدوير خمريات من هالمحلات اللي ماتدرين ايش حاط لك
للمعلوميه :::
اذا تبي تحطينها في شعرك جيبي شعرك على قدام وخذي من الخمريه بيد وبللي يد وامسحي على شعرك