بريدة ستي - مشاهدة لمشاركة منفردة - |** يبآآآآهـ / ترآآي أبي قلم رصاص ومصطرة وتلوينة مآآئيّة **|

**كآيدهمـ** · 21-02-2010, 07:37 AM

موضوعك تحفة عربوووج والله ياهو وناسة
الله يعين ذكرت اليوم وراي ورقه طلابات من كبرها كئنها صق بيت

ااااااااااااااه ايام زمان اااااااااااااااه ايام الدراسة والهبال
اول يوم لكل مدرسه توزيع الكتب تطلع من بيتكم خاوي الايدي وترجع معك مكتبة زيزو او فهودي شايلها بيدينك ولا طاح المدير مرة بنضام ما تعطون احد الكتب الى ان يكون محلق راسة ونضامه كان ان دخل ايده براسك وارتفع الشعر فوق الاصابع انك ما حلقت وما في امل ولا حياه ولا غادة ولا خلود ان يعطيك اكتاب واحد الى لازم تحلق شعرك طبعاً هذا الكلام بالمتوسط المهم انا من النوع الي اطول الشوشه ولا احلق الى ان اقتنع الكور رحت حلقت جلست اسبوع من غير كتب وكل ما سئل احد المدرسين وين الكتب يا خالد قالت المدير ما عطان يسئلو عن السبب اقول لا اني ما حلقت الي يقول اوديك الي يقول اعطيك اقروش تروح تحلق اناضرة بئستحقار تام وارد علية ان طيحت الي براسي رحت احلق طبعاً تسئلون وش الي براسي (( كومه اعناد بس لا غير )) وجلست نصف الاسبوع الثاني من غير كتب بس دبرت الكتب وانا ابو ...... ؟ رحت لا احد الجيران عندنا بالحارة كان مدير مدرسة بالربوه وقلتلة عن الموضوع ومن بكرى جابلي كل الكتب الله يجزاه خير ورحت للمدرسه يوم الاربعاء بكل قوه ورافع صدري وشايف نفسي حبتين واتميلح قدام غرفه المدير امرمر رايح جاي رايح جاي ومعي الشنطة وماليها كل الكتب من الفرحة ما رتبت احترية ينادين ويسئلن من وين جبت الكتب بس ماكو فايدة ومن قوه الاعانه دخلت علية بالمكتب واوريه الكتب وتطق عندة البوهه من وين جبتهن قلت رحت لوزير التعليم واخذتهن من مكتبه امس باليل ومات من الضحك وقالي طيب مو محلق قلت لا قال طيب مو مشكلة بس لا اشوف شعرك طالع قلت ابشر من العيون (( طبعاً ما اذكر درست وانا لابس اشماغ الى مرة وثاني درس على طول بالشنطة )) والعالم كلها محلقة الى انا ويستقعدلي وكيل الدور العلوي من ( السلمان ) الله لا (( ...... )) بدنيته ولا اخرته ويسبب لي قلق بالمدرسه بس انا اعند منه ان جاني يبي يوقفن على طول انا وكيلي الدور السفلي انت مالك كلمه علي ينادي ما ينادي بالخامس اسحب علية ولا كئن ادمي يهرج العام مدرس املاء والحين وكيل وين تبي وانا كنت اكرهه لا انه مستقعدلي بالتصحيح الى اسم ابوي يحط تحته خط احمر انه غلط كتابتي له (( عبدالرحمن )) يقول لازم تحط المد الصغيرة بين الميم و النون
عاد النفس عايفته واعلم الوكيل مالنا الخاص بالدور السفلي ويقوله مالك دخل فيه
ومر الترم على خير وطبعاً ما حلقت والعالم منقهرة مني واخر يوم بالاختبارات طلعت من الاختبار واروح للحلاق وادخل واقول للحلاق موس طبعاً كان الوكيل يشوفناً وانا ادخل الحلاق ومسوي ذيب يبي يدخل يقص شعري بالمقص وهو داخل يشوف الحلاق يحوس براسي بالموس وياضر وقال ماني قايل لك حلق مرة ثانية

******

والموقف الثاني مع الوكيل العله مال الدور الثاني
كنا صافين نبي نصلي الضهر وكان قدامي مدرس العلوم وبيني وبينه ميانه مو طبيعيه وكان الامام كبر التفت وقال للي حولي كبرو وناضراً وقال كبر يا خالد رديت علية كبر ياسلومي ( اسمه سليمان ) وسمعاً الوكيل العله ولقى علي شي
وبعد ما انتهينا من الصلاه نادان وتعرفون المجمعات الحكوميه غرفه الوكيل والمدير على صف واحد وتجيك الساحة ومن ثم المسجد وسط المدرسة ويطقاً طق كل يد 14 ضربة طبعاً سئلته ليه تضرباً قال انك تكلمت على مدرسك قلت مو مشكلة وامدد يديني واخليه يضرب ولا حركتهن العالم تشوف وش ذا القوي وشلون تحمل ولا يضرب من لاعانه وهو وجهه طبعاً بعد كل صلاه تسمع السواليف والازعاج مع رابع طقه بئيدي بدى الصوت يقل شوي شوي لين العالم بدت تشوف وش الي صاير ( بس سلومي ) ماسكت له يوم درى انه ضارباً للسبب هذا وكم مدرس بعد هزئوه
وبدا سلومي ان مر من عنده يقول وين خلودي وانا اردها سلومي ويرتفع ضغطة بالمرة وافتكينا منه يوم نقل من المدرسه روحة بلا رده ان شاء الله...

21-02-2010, 07:37 AM	#3
كآيدهمـ مشرف سواليف كشكولية تاريخ التسجيل: May 2009 البلد: دآخلـ آلكشـ كوووووولـ المشاركات: 4,863	موضوعك تحفة عربوووج والله ياهو وناسة الله يعين ذكرت اليوم وراي ورقه طلابات من كبرها كئنها صق بيت ااااااااااااااه ايام زمان اااااااااااااااه ايام الدراسة والهبال اول يوم لكل مدرسه توزيع الكتب تطلع من بيتكم خاوي الايدي وترجع معك مكتبة زيزو او فهودي شايلها بيدينك ولا طاح المدير مرة بنضام ما تعطون احد الكتب الى ان يكون محلق راسة ونضامه كان ان دخل ايده براسك وارتفع الشعر فوق الاصابع انك ما حلقت وما في امل ولا حياه ولا غادة ولا خلود ان يعطيك اكتاب واحد الى لازم تحلق شعرك طبعاً هذا الكلام بالمتوسط المهم انا من النوع الي اطول الشوشه ولا احلق الى ان اقتنع الكور رحت حلقت جلست اسبوع من غير كتب وكل ما سئل احد المدرسين وين الكتب يا خالد قالت المدير ما عطان يسئلو عن السبب اقول لا اني ما حلقت الي يقول اوديك الي يقول اعطيك اقروش تروح تحلق اناضرة بئستحقار تام وارد علية ان طيحت الي براسي رحت احلق طبعاً تسئلون وش الي براسي (( كومه اعناد بس لا غير )) وجلست نصف الاسبوع الثاني من غير كتب بس دبرت الكتب وانا ابو ...... ؟ رحت لا احد الجيران عندنا بالحارة كان مدير مدرسة بالربوه وقلتلة عن الموضوع ومن بكرى جابلي كل الكتب الله يجزاه خير ورحت للمدرسه يوم الاربعاء بكل قوه ورافع صدري وشايف نفسي حبتين واتميلح قدام غرفه المدير امرمر رايح جاي رايح جاي ومعي الشنطة وماليها كل الكتب من الفرحة ما رتبت احترية ينادين ويسئلن من وين جبت الكتب بس ماكو فايدة ومن قوه الاعانه دخلت علية بالمكتب واوريه الكتب وتطق عندة البوهه من وين جبتهن قلت رحت لوزير التعليم واخذتهن من مكتبه امس باليل ومات من الضحك وقالي طيب مو محلق قلت لا قال طيب مو مشكلة بس لا اشوف شعرك طالع قلت ابشر من العيون (( طبعاً ما اذكر درست وانا لابس اشماغ الى مرة وثاني درس على طول بالشنطة )) والعالم كلها محلقة الى انا ويستقعدلي وكيل الدور العلوي من ( السلمان ) الله لا (( ...... )) بدنيته ولا اخرته ويسبب لي قلق بالمدرسه بس انا اعند منه ان جاني يبي يوقفن على طول انا وكيلي الدور السفلي انت مالك كلمه علي ينادي ما ينادي بالخامس اسحب علية ولا كئن ادمي يهرج العام مدرس املاء والحين وكيل وين تبي وانا كنت اكرهه لا انه مستقعدلي بالتصحيح الى اسم ابوي يحط تحته خط احمر انه غلط كتابتي له (( عبدالرحمن )) يقول لازم تحط المد الصغيرة بين الميم و النون عاد النفس عايفته واعلم الوكيل مالنا الخاص بالدور السفلي ويقوله مالك دخل فيه ومر الترم على خير وطبعاً ما حلقت والعالم منقهرة مني واخر يوم بالاختبارات طلعت من الاختبار واروح للحلاق وادخل واقول للحلاق موس طبعاً كان الوكيل يشوفناً وانا ادخل الحلاق ومسوي ذيب يبي يدخل يقص شعري بالمقص وهو داخل يشوف الحلاق يحوس براسي بالموس وياضر وقال ماني قايل لك حلق مرة ثانية ****** والموقف الثاني مع الوكيل العله مال الدور الثاني كنا صافين نبي نصلي الضهر وكان قدامي مدرس العلوم وبيني وبينه ميانه مو طبيعيه وكان الامام كبر التفت وقال للي حولي كبرو وناضراً وقال كبر يا خالد رديت علية كبر ياسلومي ( اسمه سليمان ) وسمعاً الوكيل العله ولقى علي شي وبعد ما انتهينا من الصلاه نادان وتعرفون المجمعات الحكوميه غرفه الوكيل والمدير على صف واحد وتجيك الساحة ومن ثم المسجد وسط المدرسة ويطقاً طق كل يد 14 ضربة طبعاً سئلته ليه تضرباً قال انك تكلمت على مدرسك قلت مو مشكلة وامدد يديني واخليه يضرب ولا حركتهن العالم تشوف وش ذا القوي وشلون تحمل ولا يضرب من لاعانه وهو وجهه طبعاً بعد كل صلاه تسمع السواليف والازعاج مع رابع طقه بئيدي بدى الصوت يقل شوي شوي لين العالم بدت تشوف وش الي صاير ( بس سلومي ) ماسكت له يوم درى انه ضارباً للسبب هذا وكم مدرس بعد هزئوه وبدا سلومي ان مر من عنده يقول وين خلودي وانا اردها سلومي ويرتفع ضغطة بالمرة وافتكينا منه يوم نقل من المدرسه روحة بلا رده ان شاء الله...