[مرحبا 1000000]

هههههههه

أجل نتفه يحسبه قميرية

والله أنت شكلك حاقدة على الوكيل مرة

بالله عليك هذا شكل شعر منتوف أقول روحي بس

ناس مدلعة عيالها حتى الهوا ما تبيه يمر من عنده وشلون تبون عيالكم يصيرون رجال الله يخلف عليكم بس

الوكيل يمكن أخطا وانت تتعالجين الخطا بالتشهير هذا مهب علاج للمشكلة

وبعدين وين ابو الولد يروح للمدرسة ويشوف القصه كاملة مهب مرة تكتب بمعرف مايدرى من هي

أقول استحوا على وجيهكم وابعدو الحقد اللي بنفوسكم على المدرسين حاسدينهم الله يعافيكم ولا يبلانا

هذولا يعلمون عيالكم ويصالونهم لكم وشوفوا حالكم بالاجازة وش تسوون تنهبلون وتقولون متى تجي الدراسة بس

عيب عليكم والله هذا جزا من يربي عيالكم ترى بامكان الوكيل انه يشغلكم بالنظام وتتمنون انكم ما شهرتوا بخطاه

واقول لكل من رد وقال ارفعوا القضيه واشتكوا استحوا على انفسكم والله لو الوكيل اخوك ولا ابوك ولا عمك ما قلتوا هالكلام وقلتوا سامحوا المسامح كريم

لكن علشانكم ما تعرفونه قلتوا هالكلام عيب والله عيب

وبعدين تعالوا ياللي حكمتم عليه انتم سمعتم من الطرف الثاني وش القصه ؟

ثم اقول لكل معلم عيال الناس احذروا منهم وخاصه مثل هالولد عطوه حقه بالمليم ولا تعطونه وجه

ترى من تحسن له يسي لك يوم من الايام خلوكم عاديين لا تقطعون قلوبكم لهم عساهم ما فهموا ولا نجحوا

الصراحه قلت هذا من قريت الردود وحسيت ان فيه حقد وكره من قلب وفيه ردود اطفال لايقدرون ولايفهمون