[صمت النار]

اتركوا عنكم المثاليه الزايده

طالب راتبه 1500 ريال

من وين يصرف على بيته ..

صحيح الرزق من الله وعلى الله ..

لكن كيف يصرف على بيته ..

بتقولون بيشتغل ويأمن دخل شهري

اوكي يشتغل ويثبت أنه قادر يصرف على بيته .. بعدها حياه الله ..

لو الراتب 2500 وأكثر اوكي .. لكن اقل صعبة

وإذا انتم جادين في كلامكم

يالله وروني شطارتكم

هذا واحد من الاعضاء في المنتدى مرسل رسالة يبيني ادله على من ترضى به

وعلى فكرة راتبه 2500 كما يقول .. والرجال واضح من رسالته أنه جاد

وفيه غيره ( طبعاً من خارج المنتدى ) راتبه لايقل عن 5000 ريال

وفيه طلاب

كل هؤلاء يبون يتزوجون .. ورجال والنعم فيهم ..

بس المشكلة مو على وظيفة حكومية

على فكرة هالقصيدة معجبتني .. خاصة للي يدورون وظيفة حكومية وجالسين في البيت

يقهرني اللـي فـي شبابـه مايفيـد ولا يثيـب
اللي علـوم المرجلـه مايربطـه معهـا صلـه
اللي لا جيته تنصحه يضرب على نصحك صليب
ويقول ياشيـخ استـرح مالـي ومـال البهذلـه
ويعجبني اللي في شبابه يلتعـب وتقـول ذيـب
اللي ليا منّه تعب يتعـب مـن اجـل المرجلـه
والمرجله ماهي بسهلـه دربهـا دربٍ صعيـب
واللاّش يجهل دربها وامّـا الكفـو مـا يجهلـه
ومن لا جمعها في شبابه ماجمعها فـى المشيـب
ورجّـلٍ بليّـا مرجلـه مالـه مكـان ومنزلـه
ماهو غريب الرجْل يعمل لكن الشـي الغريـب
شخصٍ تعدّى عمـره العشريـن ويخسّـر هلـه
هذاك في قلبه مـرض لكـن جعلـه مايطيـب
لا صار ماينفـع هلـه ولا يجيـب النفـع لـه
يخسى ترى ماهو رجل أقولهـا وانـا مصيـب
ويقلـون قـولٍ تستحـي يالآدمـي منـه قلـه
أقولهـا ولا استحـي لا مـن بعيـد ولا قريـب
واللّي زعل من كلمتي ما همّنـي هـو وزْعلـه
اللي ماينفع فى الزمن ودّك عن عيونـك يغيـب
ياليت يوجـد لـه قطـع غيـار لجـل انبدّلـه
والمشكله هو كيف عايش يا عجايب يا عجيـب
ما حقّـه ألاّ مـن يفجّـر فـوق راسـه قنبلـه
يقهرْك يوم تعاتبه ويقول انا مـن ويـن اجيـب
عاطل وما حصّلْتلي عمل علـى شـان أعملـه