[ibraheem]

اقتباس المشاركة الأساسية كتبها المنخرش كلام جميل ,, لا مايحتاج أحد يحسن الظن إذا أحسن فهو له وإن أساء قهو أفضل لك أنا لايمكن أحط رقم جوالي بالبلوتوث .. هذا ان شغلته بعد لكني لا أعارض أي شخص أن يضع رقم جواله .. او رقم (هيكل سيارته) وانتم وش علاقتكم .. الواحد لديه حرية شخصية .. حتى في الحريات والخصوصيات لكم علاقة فيها اطلعوا من حياة الناس شوي .. شوفولكم شغله غير الناس .. وانت من عشان أعطيك فوائد ان احط رقمي .. ياقلبي .. انا حر وإذا ان مافيه طرق لحسن النية .. اتحداك تجيب رجل الهيئة وتقوله هذا حاط رقم جواله بالبلوتوث .. وشف وش يبي يقولك .. بس لاتجي لمي أخطأت في هذي يابوسليمان .. فحكمك هذا .. طعن في جميع من وضعوا ارقام جوالاتهم في البلوتوث .. وهذا خطأ طيب أنا مانب راعي أسواق .. إذا حطيت رقم جوالي في البوتوث .. في البيت .. او في الاستراحه .. هل هذا يعني اني أغازل أختي .. وخوياي في الأستراحه .. ياعالم .. ياناس .. رب بنتك على النهج الاسلامي .. وصدقني .. لو تحط صورة (كاكا) والرقم خمسات ماراح تلتفت ولا رمشه له .. لأنها معلمينها أهلها الآداب والطرق الصحيحه .. ولو تجيب بنت من هالصايعات وتدخلها حلقة تحفيظ .. لقيتها معجبه بمدرسة الحلقه والداعية .. حقتهم المسأله..مو ان البنت تنتظر رقم جوال في البلوتوث وكأن الرقم هو العائق افتح جريدة الوسيلة .. وشلق من هالأرقام وخذ من هالتوليف .. وخذ من الكذب والترزز بأرقام مميزه ولا حس ولا خبر ولا أحد يدري عنهم .. ياناس اطلعوا شوي .. وابعدوا عن قذف الناس وسوء الظن .. وانتم وشعليكم منهم .. خلوهم يفتحون باار ومراقص .. عندنا دوله تحارب هالشي ولله الحمد .. ورجال حسبة شايلين هم الدين فوق كتوفهم .. جزاهم الله عنا كل خير ووفقهم في دينهم ودنياهم .. لكن كل شي له حدود يا أحبابي ؛ الصباخ ,, ادامك أطلقت الأحكام جزافا اللي يحط ايميله في توقيعه .. وش رايك فيه ..؟ هل هذا يبحث عن الحرام ..؟ ايضاً الايميل وسيلة اتصال خاصة بين طرفين كمن هي في الجوال .. ولا هذي تعودنا عليها ؟ والبلوتوث جديده واخذنا عنها عادة سيئه ؟

أهلاً بك .. ظريفنا المنخرش ..

لنكن واقعيين ومنصفين بنفس الوقت .. ولهذا الموضوع مثائل كثيرة ..

في البداية أظن أننا نتفق على أن أغلب أصحاب هذه اظاهرة مقاصدهم سيئة .. ولكن ..

كذلك ليس هذا مسوغاً لنا لإتهام الناس .. لدرجة وضعنا له بمنزلة الخطيئة .. لا .. ولكن في نفس الوقت .. نحن نرى ونسمع ولنا عقول !

وكما قلت في البداية .. لهذا الموضوع مثائل كثيرة - ومادامك جبت طاري الهيئة - لننظر لمسئلة تطويل الشعر لدى الشباب .. وموقف الهيئة منهم ..

فنحن نستطيع أن نأخذهم من وجهين .. إمّا أن نقول أن فعلهم إمتثال لسنّة .. أو نستطيع أن نأخذهم بعين الواقعيّة والإنصاف .. وهذا هو الجدير و الأفضل بالإتفاق ..

فعندما ننظر لموضوعنا هذا من أول وهلة .. لنا حق الإستنكار وظّن السيئ .. لكن من دون التمادي وإلقاء الأحكام على الناس جزافاً .. والحكم الحقيقي هنا هو حال الشخص ..

ولا نستطيع أن نحكم على الناس من معطى واحد ..


أتمنى أن أكون وفّقت لتوصيل مالدي ..

محبّك