[ما تَهَاب]

كثيرًا مانغفل عنهم غفر الله لنا ..

من المواقف اللي عرفت بعدها ان أي شي حتى لو كان قليــل جدًا يفرحهم وانا كنت أظن انها أشياء عادية ولاتهمهم ! , كنت مع إحدى الأخوات في سوبر ماركت وكانت تشتري حلوى وأشياء مانحتاجها وفي طريق عودتنا قالت للسائق إذهب لبيت ...... وهو بيت أيتام ومافيه الا بنت في الثانوي وزوجة ابوهم , قلت لماذا قالت معي حلوى للصغار قلت فقط حلوى مايصلح انتظري وجيبي شي يستاهل ..
طبعًا رفضت , وصلنا لهم ونزلت بنفسها ولما فتحوا الباب بدأ أحدهم عمره لايتجاوز الخمس سنوات ببراءة وفرحة تكسر الخاطر ينادي أخوانه ويقول خالة جت , والله اني غبطتها وتمنيت اني مكانها ماشاءالله ..


* نقطة احببت التنبيه عليها بعض الناس يجعل لهؤلاء الشي اللي خلاص انتهت صلاحيته يعني إذا خرب الثوب مثلاَ وصار مستحيل يلبسه حطه للفقراء وكأنهم مخلوقين من طينة غير طينته !
تعجبني إحداهن تقول اني ماأمد الشي الردي اخاف يقولون عساه يمد لك , وفعلا ياليت كل شخص يفكر مثل تفكيرها ..!


جزاكم الله خير وكتب لكم الأجر ..