[العاصف]

السلام عليكم ورحمة الله وبركاته ..

حياكم الله جميعاً .. كيف حالكم .. عندي سالفة .
يوم كنت مدرس بأهلية وتعرفون مدارس الأهلية كرف في كرف .
يمصون دمك مص ..
فمرتن من المراريت .. ناداني الوكيل وقال يا أستاذنا الجميل
قلت وماذا تريد >> ياعيني على السجع ..
ندق ريوس لموضوعنا ..
قال عندك انتظار في صف أول ابتدائي . قلت واااه والله من النشبه .. بزاارين صعب أتحملهم ..
دخلت عليهم وقلت أبعطيكم مسابقة بس اسمعوا كلامي أول شيء وبعدين أعطيكم مسابقة ..
بديت أتكلم بشكل مختصر عن الوالدين واللي يطيعهم يدخل الجنة .. وبعدها تكلمت .
وتكلمت إنك تنصح الآخرين إذا شفت خطأ .. مثلاً واحد مايصلي
تعلمه .. وعن الشخص اللي يدخن تنصحه بأسلوب حلووو وغيره من الكلام ..

.. تعرفون البزارين أنواع البراءة ..

وفيه طالب رفع اصبعه قال أستاذ قلت سم .
قال أنا قلت لأبوي أبدخن ... قال لا ... شوفوا رد الأب
((( إذا كبرت تدخن الحين يضرك )))
.. انصدمت من رد أبيه .. معقوله يقول للولد إذا كبرت تدخن..
عرفت إنه ماعنده إجابه مقعنه ..
الله المستعان هذه تربية الأب أجل ماحال ابنه إذا كبر ..

أترك لكم المساحة ..