أخوي شلدزة
صحيح أنك عزيز وغالي لكن الآن نحن في مجال سلخ وتشذيب
وما حدث بوحيد عبارة عن نموذج فقط
أقترح أنك تأخذ إجازة مرضية من الآن
<<< أبوك يا الهياط 
***
أول ما سرقت الكامري رحت للتبليغ عنها
كان اليوم الأربعاء والشباب يبي يكشتون وقلت لهم بس ابروح ابلغ وألحقكم
وقلت لهم الموضوع ما يستاهل كلها عشر دقايق ومخلص التبليغ
دخلت للمرور الساعة 8.10 الصبح وقبلك ثلاث أشخاص فقط
إنتظرت وما جاك الدور إلا الساعة 1.50 لأنهم يقدمون أخوياهم ومعارفهم قبلك
كل هذا وأنت منطق على الكرسي تحتري دورك يجي
وبعدما قدمت البلاغ وحسيت أنهم يصرفونك وأنك مافيه أمل تلقى سيارتك عن طريقهم
طلعت من المرور الظهر والدنيا حر وأنت باقي شوي وتحترق من اللي صار
رحت للمغاسل تغسل وجهك
أنت وقتها كنت متصل على خوي السرور يمرك حتى يوصلك للبيت لأنه هو قالك إذا خلصت دق علي
المهم إنك ركبت السيارة ومن الحرارة فصخت الشماغ وبديت تسب وتشتم بالعساكر واللي جمعهم وما خليت كلمة إلا قلته بهم
وأنت متحمس بالسب والشتم دق جوالك يوم طلعت الجوال وشفته ولا المتصل خوي السرور
طبعاً يوم إنتبهت وأثرك راكب مع عسكري سيارته تشبه سيارة خوي السرور و معه خويه عسكري ثاني لكنه راكب ورى
المشكلة أن العسكري راعي السيارة هو نفس العسكري اللي مستلم أوراقك طلع وركب سيارته وأنت بالمغاسل
وش تبي تسوي ؟