[القلب الوردي]

أميرة زمانها
ياغالية .. قولي لبنت عمك لا تجعل لإبليس أي منفذ يدخل من خلاله حتى يخرب بينها وبين زوجها [ لاسمح الله ] أنا من رأيي أنه المفروض الحين تصير واثقة أكثر من أول وإن زوجها خلاص ماراح يفكر ببنت خالته بالعكس بيحمد ربه إنه ماصارت من نصيبه لأنها إنسانة تعدت حرمات الله وما كانت قد الثقة والأمانة اللي أعطوها أهلها .. واللي مافيه خير لأهله مافيه خير للناس وهو الحمدلله مستغني عنها بإنسانة حافظته وحافظة بيته ( الله يخليهم لبعض ) .
صدقيني الرجال مايحترم البنت اللي تنزل من كرامتها وكرامة أهلها ولو حصل وتزوجها ماراح يستمر هالزواج لأنه مثل مادورت عليه وأشغلته ( وهو متزوج .!!) بيشك انها بتدور على أي شخص غيره .!

قولي لبنت عمك تتوكل على ربها وتكثر من الاستغفار وقول حسبي الله لا إله إلا هو عليه توكلت وهو رب العرش العظيم وتدعي ربها إنه يكفيها شر هالبنت وتحرص إنها تنسى أو على الأقل تتناسى هالأمر عشان ماتخرب بيتها بإيدها .

أسأل الله لها الإعانة والتوفيق ولكل المسلمين .