[عربي أصيل]

اقتباس المشاركة الأساسية كتبها مايحب القافه هل ترضاء البنت تشتغل لزوجها وهو يشتغل يعني يطلعون سوا الصباح ويرجعون الظهر سوا وكيف تزين روحها لزوجها اذا جاء الظهر وكيف تبي تكون معه وهي تفكر بشغلها انا بس ابغا يكون نقاش يفيدني ويفيد الغير

هذي وجهة نظري لا احد يزعل مني اتفقنـــــــا ...
انا اشوف ان عمل الزوجه ومساعدتها لزوجها هذا شيء جيد وممتاز حتى يساعدون بعضهم أو بس تكفي نفسها بمصاريفها .. قد يكون راتب الزوج بسيط ما يكفي أو يغطي بالحالة هذي هي تساعدة على المعيشة ولا فيها شيء اذا هم متفاهمين ..
اما قولك كيف تزين روحها لزوجها اذا جاء الظهر :
أولاً : انت راح تجي من دوامك طفشان ما لك خلق لا سواليف ولا غيرها تبي غداك وترتاح منت محتاج إنها تتجمل لك .
ثانياً : هذا غالباً التزين يصير في أول ستة شهور زواج وبعدين ماراح تشوف تزين الا في اوقات معينة ..
ثالثاً : بعدين يا أخي هي وقفت انها تتزين لك في القايلة في الظهر ياخي تبيها أربع وعشرين ساعة مقابلة المراية الصراحة انك رايق .
رابعا: هذا الشيء ما يمنع ابد كثير من الزوجات تشتغل ومشيه البيت زي الساعة ما فيه اي ملاحظه عليه .
خامساً : اذا هي على الأطفال فلا بد من خادمة في البيت اذا كانت الزوجه تعمل ..
سادساً : ولا يزعلن علي الحريم اقول: العمل بالنسبة للحرمة أزين من مسك التلفونات وخذ طق حنك في هالصبح وين راحت فلانه وش لبست فلانه في الزواج الفلاني . وبالنهاية سدد فاتوره مبلغ وقدرة بدون فائدة . واذا ما امسكت التلفون ضربتها نومه حتى الظهر ..
اما على سؤالك كيف تكون معه وهي تفكر بشغلها ؟ طيب انت كيف تكون مع عيالك وانت تفكر بشغلك . يا أخوي العمل راح يصير روتين معين في اليوم بعد إنتهاء العمل ينتهي التفكير فيه الا لاصارت أكبر مسؤلة بالمنطقة هذا ما ادري عنه ..

تقبل مروري .. علماً انني لي تعقيب آخر على الموضوع ؛؛؛؛؛؛