[مدحت شوقي بريده]

الله يكثر من امثال هالمعلمة .. ونادر امثاله ..

لأن الصراحة بعض المعلمات .. جلدة ..
ماوالله تطلع الريال الا هي مسولفتن عليه وتودعه ..
والله يعوض هالمعلمة خير على ماعملته ..
فيلبارك الرب بها وبجهودها ..



بالنسبة لتسائل الأخت متصفحة ..
أنا اقول لاتصير هالمعلمة فائزة بجوائز عمرة .. وبلشتن بهن ..
( تراي امزح .. لاتقعدون تنطون بي هاللحين فرقعين جدي )



انا اتوقع ان الاخت متصفحة .. تقول ان لكل مقام مقال ..
يعني اطفال و( عمرة ) ماتجي .. جمال الهدية ان الانسان ينبسط به ..
اذا هن مابعد بلغن ولا سن التكليف وشلون يعتمرن ..

لاتقولون تعطيهن احد اقاربه .. اذا مالفائدة من الهدية ..
تخيلوا إن البنت اعطت الهدية لأمه ..
وقالت الأم ياحبيل بنيتي .. وه بس ياملحتس .. عطين هالهدية ..
ابروح ابعتمر وانتي ابحطتس عند اختي ( مزنه ) الين اجي من العمرة ..
ليتنا بلا هالهدية ..



لذلك انا مع الأخت فيما ذهبت اليه .
مهيب الأخت اللي راحت للعمرة .. لا لا لا .. الأخت صاحبة الموضوع ..

ان الهدية المفترض تكون مناسبة للطفل .. عشان يستفيد منها ويتذكرها طول عمرة ..


ومع هذا كله .. نقول للمعلمة .. الله يكثر من امثالك ..
اللي فكرتي ( بالدين ) وربط الاطفال فيه ..
غيرها تعطيها هدية ( محرمة ) أما لعبة موسيقية او باربي مصلوخة ..

ونحن هنا نقف احتراماً للمعلمة على حرصها على بنياتها ..




متصفحة ..
فليبارك الرب بكي وبتلك المعلمة ..



سي يو ..