[لسـ المواطن ـان]

اختي صدقتي والله .. لأن الوطن أصبح عباره عن محميات تجارية وأسريه .. ولا أقول نبي راتب بدون وظائف .. ولكن نبي حماية للمواطن من الجشع وأهله .

لأننا في وطن قاره أو شبه قاره والغريب إن الواحد يموت أو ينتحر ما حصل سكن ..! وإذا حصل سكن صار عليه السداد حكم مؤبد .

والمواطن ممنوع من الاستفاده من الوطن وخيراته وإن استفاد فهي مره بعمر وبعدها يهاجر .
خوذي أمثله على كلامي .

البنك العقاري .. مره واحده بعمرك ولا تجي إلا بعد طلوع الروح والتسديد للورثة .
بنك التسليف .. مره واحده بعمرك .. والشروط تعجيزية .
الشرهات في وزارة الماليه .. لناس دون ناس .. كن هذولا هم بس المواطنين .. وحنا عيال فار .!!
الحقوق الوظيفية للمواطن .. تجميد في تجميد .. لا تقرقيات ولا علاوات .. إلا إذا لك واحد يركض باوراقك عند وزارتك ..!!

يعني هالوطن ما استنفع منه إلا اثنين .. الأجنبي ، والمشائخ أو أشباه المشائخ ...!!
اي والله وكثير منهم نعرفه صعلوك يجدع وجه هنا وهناك وبين يوم وليله يتحول إلى فضيلة الشيخ .!! فاليوم نقولها في ملئ أفواهنا (( لم نرا في هذه الرخويات إلا كبر بطون وجبن عند اللقاء )).

فهذه الكلمة كانت في عهد الرسول كلمة كفر .. واليوم هي كلمة حق تقال .. سبحان الله

أشبه ما نكون في وطن محتل .. شاسع بس مالك فيه إلا الهم والمهونه .. والخير في بطون عصابات الدين أو تاجر جشع ..

وهذي همسه لولي أمرنا أبو متعب خادم الحرمين ..أقول والله ثم والله ما قصرتوا .. المباني في هذا الوطن والمشاريع جباره .. لكن المواطن يغيش أقصى حياة الحقاره .. لا أعني المقتدرين أبنا هؤلاء المدندنين أو المسؤلين .. ولكن أقصد عامة الشعب من أيتام وأنصاف أيتام والعاجزين منهم والعاطلين .

والدي أبا متعب : تأكد أن ولائنا لهذا الوطن أصبح قليل .. بل ولاء المواطن للبقال أشد ولاءً منه لوطنه . لأن المسؤولين استغلونا .. والبقالين ينظرونا .
نريد عيش كريم .. كريم .

أعيتنا القروض .. أعيتنا الرشاوي التي تدار هنا وهناك .. أعيانا الكيل بمكاييل التطفيف والبخس بين الناس .

اقتباس المشاركة الأساسية كتبها شفق أقول تعوذي من الشيطان!! لا صار له راتب اللي يشتغل واللي ما يشتغل وشو له الواحد يشقي نفسه ويشتغل.

أعوذ بالله منك .
وكم راتبك أو راتب ابوك ..؟
لأن مايمدح السوق إلا من ربح فيه .