[نبع الوفا]

وهذي وحدة ثانية

يابوي دنياي غدت هم وهموم ...
يابوي عقبك عفت كل الليالي ..
يابوي همي في خفا الروح مكتوم...
يابوي عقبك مدمع العين سالي....
كلمة ابوي منها اليوم انا محروم ..
والله يعلم ياملا كيف حالي ...
الانسان في دنياه مكتوب له يوم....
ولا ينفعه خل وجاه ومالي...
ينجيه ذكر الرب الي يعبده دوم...
الواحد المعبود رب الجلالي ....
الموت حق والامر شي محتوم ...
لكن صعب تفارق انسان غالي ...
والله ما تعوضني عنك قروم ...
وياكيف بسلا وصورتك في خيالي...
وغرست فيه طيب كل الخصالي ...
وكلما ذكرتك فارقت عيني النوم...
واصفق بيمناي كفي الشمالي ...
اطلب إله بيده الحق مقسوم...
يسكنك في جنات روض العلالي ...