[أحن امرأه بالعالم]

اقتباس المشاركة الأساسية كتبها الواثقة ياليت المتزوجات يسدوون الينا بعض النصائح الثمينه بارك الله فيهن واسعدهن

اولا الله يوفق كل عروس ويهنيها بحياتها الجديده،،

عندي كم نصيحه اقدمها لكل بنت مقبله على الزواج:

*حاولي التعرف على الاشياء اللي يحبها زوجك حتى لو كانت بسيطه ولا تستهينين فيها لان هالشي يقربك منه اكثر ويحس ماحد يفهمه بهالدنيا الا انتي .

*خلك قريبه كثير من زوجك واشعريه بوقوفك بجانبه دائما لانك انتي النصف الثاني له لاتخلينه وحيدا ابدا خصوصا في الظروف الصعبه .

*لاتنسي الجانب الرومنسي فهو عبق الحياة الزوجيه كاختيار الكلمات التي تعبر عن الحب ويكون لها صدى على قلب الزوج كذلك لاتهملي الهدايا بين فتره واخرى حتى لو كانت بسيطه .

*احذري احذري من التذمر وكثرة الشكوى عند دخول زوجك للبيت لان هالشي راح يملله منك يوم بعد يوم ويكرهه بالبيت خلك دايما مفرفشه حتى يحس بطعم وناسة البيت .

* حاولي انك تستخدمين الفاظ راقيه وانثويه لان هذا زوجك وليس صديقتك او احد اخوانك وهالشي راح يكبرك بعينه ويحس برقي اسلوبك وكلامك .

أخيرا وهذي اهم نقطه:

تجنبي دخول الملل لحياتك الزوجيه فالروتين المتكرر يطفئ جمال هذي العلاقه من غير ماتشعرين
مثلا:بين فتره وفتره حاولي تسوين تعديلات بالبيت او حاولي تنوعين بالاكل اللي متعوده تسوينه حتى لو بطريقة التقديم،،
والاهم من ذلك شكلك اياك واياك تهملينه وتخلين الكشخه والزين بس للناس والطلعات وتصيرين بالبيت حوسه و مضيعه وقتك بالنوم اوا النت او تلفزيون وناسيه نفسك وهذي غلطه تقع فيها اغلب المتزوجات وطبعا الزوج اكيد راح يلاحظ هالشي و تبي تطيحين من عينه .

اسفه على الاطاله واتمنى اني حققت الفائده،،

تحياتي،،