[مدحت شوقي بريده]

عاااااااااااجل .. من بيت الجيران ..

وصلنا الآن ..

فاطمة اللي توه جايتن من الدمام .. بلشتن اليوم ..

وده تروح تسلم على خالته .. لأنه توه راجعتن من السفر ..

وأهله يقولون له .. يابنت الحلال لاحقتن على الخاله ..
وأمه تقوله تعالي معنا نشوف الرياض عقب المطر ..
وباتسر انا اروح معتس .. حتى انا مبطية عنه ..

وفاطمة .. بلشتن بروحة .. ومنشطب راسه .. ومازالت بين شد وجذب ..

وده تسعسق مع أهله .. ووده ترضي زوجه وتروح تسلم على خالته ..

وزوجه يقوله .. لاعااااادي .. بكيفك اذا تبي تروحين مع اهلك مايخالف ..
امي بكرا نروح له ..

ولد قريح هالكلاك .. يبي الفكة منه .. وده يروح يدوج هو وأخوياه ..


وهي وعلى حسب علمي .. ( قعرة ) تبي تعاند زوجه وتقول .. لا ابروح لأمك ..
علشان ماتخليه يطلع ماأخويه ..


هذا آخر ماوصلني من أنباء عن بيت جيراننا ..
وسنوافيكم بالجديد ..




لاأحد يقول الحمدلله اننا ماصرنا جيرانكم ..
وش نسوي بهم .. هم اللي مايعرفون يسولفون شوي شوي ..
اذا قعدوا يسولفون .. تحلف انهم بالبر .. الحارة كله تدري وش يبي يسوون اليوم ..




ومازالت الأجواء مستقرة .. ومعتدلة .. ولله الحمد ..



والآن انا طالعن للوادي ..


سي يو ..