[الصباخ]

خلك واقعي يعني الحين اللي مسوي لك دعوة وقال لك بيجيك مليون تتوقع إنه صادق؟
ياعمي الكلام سهل والحسابات على الورق مافيه أسهل منها.
لكن الواقع صعب ومر، ولا تغريك الأرقام وهي على الورق.
لا جاء الواقع راح تشوف شيء ثاني وراح تنصدم بأشياء ما حسبت حسابها وأشياء غابت عن بالك.
أنا ما أعرف عن الشركة ولا عن نشاطها ومن شرحك الذي نقلته فهمت إنه كل ما شخص أنت تجيبه راح تستفيد منه.
وهالنظام أنا أتذكره قبل حدود سبع سنوات يعني حوالي عام 2003م وأتذكر واحد كان متحمس معه ويحسب ومدري إيش!
وهالشخص وش تتوقع صار عليه بعد سبع سنوات؟
هو .. هو لم يتغير وحاله على ماهي عليه ..
أنصحك بالابتعاد عن مثل هذه الأمور وأعمل في التجارة الواضحة التي لا غبار عليها.
والله يرزقنا وإياك الرزق الحلال.