[الذهبي]

ماجد بن مبارك بن نفال القحطاني
=\=\=\=\=\=\=\=\=\=\=\=\=\=\
ياما حلا طرد الحيا شرق وشمال

في ظهر جيب يا رفيقي وكاله

خبرة شباب ما مشو درب الأنذال

ولا سولفو في فلان قيل وقاله

حركو والشمس مالت لها اظلال

وتنطحو ليل مضوي هلاله

وساعة لفو الفقر مع سود الاجبال

كل طراله بالخلا ما طراله

ثم شدو الخيمة على فية الجال

وكل تخالف عن يمينه شماله

وتسابقوا بالطيب للنار ودلال

وضو حطبها سمر ما هو جلاله

ربع على الطولات وأيام الأهوال

كل يبي الماجوب هذي أفعاله

ثم الصلاة إعداد ما وادي سال

على الرسول اللي بعث بالرساله
\=\=\=\=\=\=\=\=\=\=\=\=\=\=\

ميهب هي بس حوله ... إذا لقيته بنزله لك ابششششششششر