جاء واحد من اصحاب التعداد ويرج الباب الظهر <<<< طبعا كل شيء عندي ولاتخرب القيلوله
طبعا شقتي صغيره ـ غرفتين ودوره مياه ومطبخ ـ مستقل لحالي قمت فتحت لعمنا السيد صاحب التعداد
وشكله طفشان من اللفلفه .
وش اسمك قلت فلان ابن فلان ابن فلان
جنسيتك .. عمرك .. الحاله الاجتماعي المستوى العلمي .. الخ
راح ورجعت نمت شوي يجي ثاني طق طق طق .. ياربي
فتحت الباب قال معاك .. قلت بص هون شوف الورقه عندي الي قبلك قال زين تعرف اهل العماره ؟؟
قلت وش الي اعرف اهل العمار العماره اربع دور فيها مادري كم شقه وش عرفني ان اسمائهم
طلع الرجال يصرقع الابواب ورجعت نمت
شوي ورجعت ونمت ورجع صاحبنا الاولاني طق طق طق .. لااله الاالله
فتحت الباب .. آه خوينا انا عديتك قلت ايه عديتني ضحك الرجال واعتذر
اليوم الثاني نفس الحكايه مع صاحبنا الثاني طق طق طق طق .. امري لله افتح الباب [ طبعا كل ساكن معه مفتاح ولاني شقتي اقرب الشقق للباب اذا زاد الطق اقوم افتح << صرت بواب ] فتحت الباب وقلت ياخي انت ماجيت امس تعد قال عديت البعض والبعض باقي المهم عدهم وعند خروجه جاي يدق علي !! نعم وش باقي ؟
قال صك الباب وراي !
ياخي اسحب الباب وراك ترى قروشتنا وش الي صك الباب وراي ؟
الرجال مسكين استحى وخرج وطأأأأأأأخ بالباب
اليوم الثالث جاء وانا واقف عند الباب منتظر صديق مضيع السكن اول ماشافني صاحبنا ضحك .. ادري ترى طفشتك
قلت لا هذا شغلك ولازم نكون متعاونين .. الله يسلمك دخل الرجال وشوي يناديني من اخر الدرج
لاتقفل الباب !!
