[كاتم سره ماحد يضره]

اقتباس المشاركة الأساسية كتبها عربي أصيل أولاً اشكرك أخوي على طرحك الموضوع ولك مني كل تحية وتقدير ؛؛ انا الحقيقة لاحظت هذا الشيء قبل اسبوعين وحصلت مهزلة مثل ما تفضلت واستهتار ما بعده استهتار حتى اني اشوف الشباب يجلسون في مكان العوائل ويسون ربكة وهيصا وتميلح .. لو تشوف بعضهم يحوم كبدك يجيك لابس جنز وربيه ما يعرف حتى ينسق البلوزة مع الجنز ويمشي يحس إن الي حولة من البنات ميتات ويناظرن فيه .. أويل تسبدك بس .. المهم : أنا شفت الهيئة يمشون بسيارتهم على الشارع معهم جمس مارين مرور كرام الله يجزاهم خير ومن بعيد عاد انا سلمت عليهم ودعيتلهم وقلت تكفون الله يجزاكم خير ادخلو الحديقة بس خمس دقايق خوذو لفه قال : هاه .... ما كمل كلامه قلت تكفى ادخل بس خمس دقايق وخذ لفه قال : زين خلاص .. انا رحت على انه يبي يدخل هو وخوية .. مشى من عندي الله يهدية وشفتك ولا شفته أثره قصده يمشين الله يصلحة بس .. وانا كد ناقشت واحد من رجال الهيئة قال : ما عندنا موظفين ولا نقدر نغطي الأماكن هذي ما فيه موظفين ما فيه الا اثنين أو ثلاثه يطلعون بالأسواق حسب إفادته .. طيب يا مدير عام الهيئات بالقصيم ما تقدر تندب الي بالمراكز أو حتى الي بالإدارة عندك ما تقدر تصرف الله يهديك اقل شي إندب الي بمراكز الهيئات الي بأطراف بريدة الي جالسين ما عندهم شغل أو افرض عليهم ورديات يستلمونها في الليل مع وضع برنامج لهم بالساعات .. طبعاً هذا خارج عملهم ما هو لازم الحمل كله على مركز هيئة الصفراء صدق مركز هيئة الصفراء ما يستوعب ولا يقدر يغطي الشمال .. انا اقترح على جميع الأعضاء رفع برقيات لصاحب السمو الملكي أمير منطقة القصيم وبالأخص البنات وترى ما تبي شي اتصلوا على البرقيات بالرقم ( 969 ) الإتصالات السعودية .. وانا اجزم جزم أنه سيعالج صدقون .. أمير القصيم ما يدري ولو دري قسم بالله يوجه بتوجيه قوي .. طبعاً يعالج كلياً من وضع سور محكم ومن وضع حراس أمن من قبل البلدية ومن تكليف رجال هئية لمتابعته .. بس زي ما قلت لكم ارفعوا برقيات وما يصير الا الخير إن شاء الله .. وبالأخص أخواتي (( البنــــــــــــــــات )) أو الحريم ولا فيه شيء ولا أحد ينشدك عن أي شي ما يكلفك اي حاجه بس تعطينهم الكلام المطلوب وهم بدورهم يوصلونه ببرقية لسمو أمير المنطقة .. تحياتي للجميع ؛؛؛؛

يبي يتوضف غصب بالهيئه يااااااااااااخي معروف الهدف امرح