لقد حملت القصيدة من جهازي للنت . .
وهذا رابط التحميل .. .
http://forum.ma3ali.net/uploaded/YAWALE.RM
و وجدت القصيدة مكتوبة كاملة :
الأبيات ذات اللون الأحمر لم تنشر في القصيدة
-*-*-*-*-*-*-*-*-*-*-*-*-*-*-
يالله يا والي على كل والــــي
ياخير من يدعى لكشف الجليلـــه
المالك المعبود محصى الرمالــي
الكون والدنيا وما به فهي لــــه
ما كان له أول وما كان تالـــي
ملكه يدبر به على ما يبي لــــه
يقضي ويمضي قادرٍ ما يبالــي
والخلق ما تفعل بالأمره فعيلــه
ماله شريك جل فوق متعالــي
علمه أحاط بدقها والجليـــــه
أشهد فلا غيره آله ولا لــــي
ربٍ سواه أخشاه وأرجي لنيلــه
ياواحدٍ فوق السموات عالـــي
من سطوته كل الخلايق ذليلـــه
يا فارج الشدة بضيق الحوالـي
افرج لعبدك يامنجي خليلــــه
وانظر بعينك يا آلهي لحالـي
فردٍ غريبٍ والمصاغي قليلـــه
وحيد مالي غير ظلك أظلالـــي
ذليل مالي غير عزك وسيلـــه
ياراحم ارحم شيبتي وانخذالـــي
ياقادر اجبر عثرتي والفشيلـــه
والطف وناظر يا مجيب لسؤالـي
لا تواخذان فيما مضى من فعيلـه
لا إخوان لا عمان لا من خوالـي
لا من صديقٍ بالوزاين نشتكي لـه
لو كان ما يجلي سوى الله جالـي
ماشفت عبدٍ هرجتن لي جميلــه
اتقطعت وذم العرى والمدالـــي
من جملة الخلان والمستخيلــه
قضيت من المخلوق ماحدٍ بقالي
إلا أنت ياللي ما يخلي عميلــه
عادوني كل الناس شرق وشمالـي
ولا بقى غيرك ذراً نلتجي لــه
شافوني مذلولٍ وحيدٍ وخالــي
ولا لي من الفزعات مومي شليله
وأنا بعون الله امتانٍ احبالــي
متجودٍ بحبال منشي المخيلـــه
لو كان كلٍ له صديقٍ أموالـــي
أخوال واقرابٍ ولحدٍ قبيلــــه
أنا لي اللي زابنه ما يسالــــي
جزل العطا مبري الجسوم العليله
إلى دعوا حيانهم فز بالــــي
رفعت طرفي له وقمت أشتكي له
واللي تنادوا بينهم للنوالـــــي
ناديت بإسمك يامنشي المخيلـه
من لاذ بك ما صار بالضيق تالـي
يصير الأول لو اعظامه هزيله
أنا دخيلك يا عزيز الجلالــــي
حاشا كرم جودك يضيع عميلـه
بريت من غيرك بحالي ومالــي
زبنت أنا بحماك عن كل ميلـه
من شر خلقك لايذٍ بك ومالـــي
غيرك ملاذٍ شامخٍ ينعني لــه
يارب مالي غير جدواك وإلـــي
وإن كان خليتن فلا لي عقيلـــه
ياعالمٍ با المخطيه والعدالـــــي
اتشوف مالي غير عدلك وسيلـــه
فلا تؤاخذني بماضي أفعالـــي
يا ساتر العورات مضفي الجميلـه
لو كان ذنبي راجحٍ بالجبالــــي
عفوك عظيم ليس ذنبي عديلـــه
أطلبك تقبل توبتي عن خمالـــي
وأطلبك عني كل كربٍ تزيلـــه
وأطلبك تغفر لي وتصلح عمالــي
يا مزبن الخايف إلى باد حَيلـــه
مولاي لا ملجأ ولا ملتجأ لــــي
إلا أنت ياللي ما يضيع نزيلـــه
يا فزعة المضيوم منشي لخيالــي
يا فارج الشدات لوهي ثقيلــــه
أفرج لمن بالحبس دونه أرجالــي
ابواب واقفال حصونٍ ثقيلــــه
في وسط دبابٍ وحيدٍ الحالــــي
أظلم ولا أدري وش نهاره وليلـه
متروك مالي من يرد المقالـــي
لا حد يبي قولي ولا حد يشيلــه
ولا أحد غيرك عليه اتكالــــي
إلا أنت يامنجي دريك الدبيلـــه
ما دامت تنظرني وتسمع مقالـــي
ما خاب عبدٍ يدري أنك وكيلــه
يا سامعٍ بالليل حس النمالــــي
وصوتي يونس بالبحور الطويله
دعاه ضرب الموج مثل الجبالـي
فوقه يجيب الدعوته وتهليلـــه
يا مصرف الأيام هي والليالـــي
في قول كن يجري القلم بتعديله
أدعوك بأسماك العظام الجزالــي
وبحق ما خصيت لك من فضيله
وبحق عظمة قدرتك والجلالــي
وبحق نورك واالخصال الجميلــه
وبحق ما نزلت أول وتالـــــي
تجيرني من شر خلقك طويلـه
تزيل كرباتٍ علينا اثقالـــــي
تغطلست ماله سوى الله دليلــه
أمن على قلبٍ يجول اجتوالـــي
يامسكن الروعات سكن جفيلـه
اسرع علينا يا قريب النوالــــي
لا تجعل الشده علينا طويلـــه
يا فارج الكربه بضيق الحوالـــي
أومر لعبدك بالفرج واتعجيلــه
واجل الأمور المعظله والجلالـــي
عن كل عبدٍ مسلمٍ يندعي لــه
وصلاة ربي عد رمل السهالــــي
على نبيٍ وضح الله دليلــــه
صفوة قريش اللي مشى بالعدالـــي
نبينا المعصوم عن كل ميلـــه
تمت وفرجها عزيز الجلالـــــي
فرحت بالطارش وقمت ادعي له