وقفت على السرقة ؟!!
والله لو مسروق منك عشر الاف مانشدوا عنك الادارة اربع وعشرين ساعة مشغولين بأيش ما أدري ماشوف شي يصير بالمدرسة نحس انه متعوب عليه
مدارس فجر القصيم مدري شقول عنه ؟
بداية بالمبنى الي حرام اقول عنه مبنى الا خرابة او بيت اشباح !!
الا اتفه شي وهو التكييف .. يابشر ياعالم حنا بمربعانية القيض الحين نموت نفطس من الحر ماشغلو كنديشاتهم وان شغلوهن مثل قلتهن قسم بالله نغلي ونفوح شي مأساااة مايعلم به الا الله
المفروض يتقون الله برسوم طالبة وحده يشرون 3 اسبيلت ولا حتى خمس كنديشات طبيعيات وش ذا ندفع فلوس على
الفاضي 
,
..
الادارة استهبال مدري كيف لهم مسمى ادارة .. يعني ما كأنها مدرسة ابد قسم بالله خرابيط ..
يسمعون بالتشدد والنظام ولا يدرون وشو حاطين حيلهم باللبس اما يهتمون بدراسة بنظام صح مافيه ..
والا الدرجات والله لو وش يصير ماساعدوك لو تموتين .. !!!
يكفي المهزلة الكبرى بحفل التخرج
شي شي لو ابوصف بجلس اسبوع ماطلعت الي بخواطر البنات ..
انواع الذل ذلووونا حسبي الله عليهم قهرونا شوي واصيح من القهر ..
ولا ليته يوم دخلنا عاد لقينا شي يسوا ..! دخلنا وطلعنا ماذقنا ولا كاس ماء انواع كرم الضيافة ماشاءالله , تفشلت حتى امي تقول ليتك ماجبتين لو انا قاعدة بداري اصرف
مير الي اشوفه ان هم الخسرانين لو بتلوا على هالحال ..
نص البنات بيهجن ياكثر المدارس الي بنفس رسومهم او ازود شوي ومدلعين طالباتهم موب انواع الذل كنهم هم دافعين لنا فلوس عشان ندرس ..
اجل الرحلة والله من التخلف حاطين قائمة لبعض البنات يقالك لابسات قصير مايروحن للرحلة ..
خلوا الي يهجن من الحصص قليلات الادب الي السنتهن تلوط اذانهن خلو كل الطالبات واستقعدوا على عشرين طالبة تقريبا وليته على سنع انا شايفة بعض البنات الي منعن والله لبسهن محتشم قووة والقصر مادله بس شي بالنفس يعننا هيبة
الله والرحلة عاد
احسن ما بهالمدرسة الادارية فاطمة النغيمشي
لو مايجي من المدرسة الا هي تكفي الله يوفقه
الله يفكنا من منبع الظلم والتسيب فجر القصيم عاجلا غير اجل كان لنا خير بفراقه يارررررررب