[القلب الضايع]

اقتباس المشاركة الأساسية كتبها غربة الخاطر شوفي يا عزيزتي.. أختك غلطت بالأول عليك وقالت لك هالكلام الجارح ليه وقتها ما قلت يا فلانة هذا رأيك الشخصي ولا بعد رأي أمي وأخواتي !!!!! طيب بعدين صارت أمك تجي لعندك وهي لاصقة بأمها من جهة احتمال تبي تغيضك ومن جهة يمكن أمك ما تبي تخليها لحالها مثلا في البيت فتسحبها معاها وين ما راحت كان من المفترض يا أختي الحبيبة أنك تقبلتي وجودها بصدر رحب ويا ليتك بعد هليتي بها وبينت الفرحة علشان تستحي من اللي سوته فيك وبعدين الأجر أولا وأخيرا كان لك لكن للأسف ضحك عليك الشيطان وخلاك تعاملينها بنفس الإساءة وكبرت السالفة على غير سنع أصلا الشيطان وش يبي غير إنه يحرش بين المسلمين وخاصة الأقارب فما عليك إلا شيلي لهم هدية وروحي لعندهم وتحملي سفاهتها إذا أخطت عليك وأهم شيء وأهم نقطة : تمالكِ أعصابك... وابتسمي بوجهها ابتسامة حقيقية لأنك راح تقهرين الشيطان وقولي لها : أنا ما اخترت أمي ولا أبوي قبل ولادتي ولا اخترت أخواتي وأحمد الله إنه رزقني أم صالحة وأخوات متواصلات مثلكن وما فيه بيت إلا وتحصل فيه المشاكل بس لا نخلي الشيطان يحوس بيننا.... ويا ليت يا أختي لو مع الأيام تبدين تذكرين مواقف حلوة عن الترابط الأسري أو قصة نبينا يوسف عليه السلام وغيره من القصص بس ها .. انتبهي تجيبينها بطريقة الهمز واللمز.. ترى أنتي الخسرانة وقتها .. وأمك إذا قالت شيء ، قولي لها : يمه أنت الكبيرة وأنت العاقلة ومنك السموحة إذا أخطيت عليك ولا على أخواتي وحنا الله يهدينا طيش شباب وإذا اختلفنا أنا وأخواتي واعتذرنا هذا شيء جميل .. أجل وشلون تزيد علاقتنا ببعض أكثر ونحب بعضنا أكثر.. ومن هالكلام يالغالية وأهم نقطة : اسألي الله تعالى إنه يفتح عليك واقهري الشيطان.. أدري إنه صعب على النفس بس والله يا راح تذوقين راحة نفسية بحياتك ما ذقتيها.. بالتوفيق .. غربة الخاطر.

احمدي ربك وادعي ان الله لا يسلط عليك
شكرا لك