[بندر 1430]

اقتباس المشاركة الأساسية كتبها بدر بن عبدالله بندوري تحرجن تسذا لا ترفع بي تراي على الشيله بالنسبة للصولات والجولات بالساحة فسبحان الله من يوم ما صار لون المعرف أسود ما أدري وش جان، يجين تكاك إذا دخلته ما أدري هي نتيجة الإشراف وغثاه ، وما فيه مواضيع تجذب إلا مواضيعك و مواضيع بعض الأعضاء، وكل ما جيت أبكتب موضوع أصكه على طول لا تسأل وراه، وأنا عاد مسنتر بالكشكول وبالنسبة للاختصارات ما دام إنه ما يبي يصرح بمعناه لا يكتبه ويفكنا وعموماً هناك اختصارات سيئة أو غير سيئة تستخدم في المنتديات وفي الماسنجر ولا يدرى وش معناه، لكن متعارفه عند من يستخدمها.

بندوري على الأقل أزين من بنيدر حقت أبو وليد السامي البريداوي

الله يهديه قاله لي برسالة خاصة عقبه قفلت الرسائل من الروعة وضيقة الصدر

أمّا الساحة الله يسلمك فهو شعور متبادل .. صار يجين تكاك و تخنقن العبرة كل ما دخلته ..

عرضت حالتي على واحد من الزملاء قال يمكن بك نفس ما صلت على النبي و واحد ثاني يقول إنك

مليت من الكتابة .. كلهم ما يدرون أن السبب إبتعاد بدر بن عبدالله عن الساحة

ومادامك تحب الكشكول وش رايك تعرض على الجهات العليا إقتراح بإفتتاح فرع للساحة بالكشكول؟

يمكن نشوفك تكتب وتشارك به وتنفتح أنفسنا مثل أول؟

(لا يطيح بنا أبو ربى مثل ما طاح بنا بمنتدى المشاركات المخالفة)

.
.

على كل حال .. و عودة للرسميات و التكلّف بالحديث ..

إن كانت لمشاركاتي المتواضعة ميزة .. فهي لأنها حظيت ببصمة منك ومن أمثالك ..

لك خالص ودّي