جاكم مشوت المجمع أنواع تشويه السمعه .....
سلبيات المجمع ....
1. إنك إذا صرت بثالث ثانوي بدو مص من هالدراهم لمين تقول قيق اذكر بعض المواقف :
* جمع معلم خمسة عشر طالباً في الفصل الدراسي الأول وقال انتم الذين اخذتم 15 من 15 وأنا ماأخذت إلا الجيدين طبعاً أنا معهم <<<< أحلا ياجيّد :D
المراد إنه قال إحنا عاوزين قاعة رياضيات تانيه (طبعاً ذاك الوقت ماكان به إلا وحده) واحنا قمعنا الطلاب القيدين على شان مايؤلو بايعين الدرقات وحنا عاوزين من كل واحد 100 ريال هذا فصلنا بس طبعاً وعاوزين قهاز كمبيوتر يكون في سي دي رايتر <<< طرار ويتشرط:D
والمدير آآآآل لو أي واحد منهم احتاج درقه في أي ماده حديها لوه ... المهم بثالث ثانوي ماصدقنا خبر ودفعنا ... وأخذ من فصلنا جهاز كمبيوتر ... والفصل الثاني السراميك <<< ماأدري وش دخل السراميك بالجو التعليمي إلا والله له دخل بالجو الدعدعي :D
وهكذا لمين اكتملت القاعة ... عاد عموماً الثالث ثانوي لهم أربع مدرسين رياضات كل مدرس يجمع من طلابه ويطلع قاعه ... المهم لاحظ مص الدراهم .... ويوم جا النصف الثاني جاك الأخ وسوى نفس الحركة لكن هذه المرة على نطاق اوسع لكل الفصل الرجال يبي بروجكتر :D <<< نعن ابو ابليسه لادخلت قاعته تقول داخلن جرير ... جهاز بذا وجهاز بذاك ... وبروجكتر وفانوس ... وثلاث شاشات ... وشاشه كبيره .... المهم أمير اقوم أنا ... قلت أنا انت قلت بأي مادة تحتاجون درجات نبي نعطيكم وأنا باقي 6 درجات بالفصل الأول وآخذ 100% <<< انواع الادعا:D ... ولاعطيتون إياه ... قال الرجال أنا مااولتش ... ماقلت .... أنكر .
* مره كنت مع أحد المعلمين أبي 3 درجات بآخر الفصل الدراسي الثاني المهم مر المرشد اليحيى الله يذكره بالخير قال المدرس إن شهد لك ابوعاصم ابعطيك اياهم نادينا ابوعاصم قال ابوعاصم ابد فلان يستاهل المهم راح ابوعاصم قال أيو بس ماتبرعت لنا قلت انا أيووووووووووه
قلت سم ... قال كم معك قلت رزق قال كم ؟ قلت رزق ... قال آه رح للوكيل فلان واعطيه الفلوس وخليه يعطيك ورقة ونأنا اديهم لك ...
-- فاصل إعلاني --
واحد من الشباب مااختبر رياضيات ودفع 100 وأخذ 15 من 15 :D
-- نرجع لموضوعنا --
رحت للوكيل وحطيت بمخبات الصدر 30 ريال ... قلت له المدرس فلان كز لك ابدفع للقاعة على شان البروجكتر قال هات أمر اعطيه 30 .. قال مايكفن !! المدرس قال لاتآخذون أقل من 100 ... قلت انا واحد من الشباب ماختبر خير شر ودفع ميه وعطيتوه 15 وأنا أبي ثلاث درجات يعني بــ 30 :D <<< قال لا مايصلح وش قصدك نبيع الدرجات ... قلت أجل وش تسمي ذا ... قال لا لا مايجي ... وأنا وياوه مكاسر لمين وصلت 70 وعطيتهن إياه :D .
* مره أنا ماختبرت بأحد المواد وجيت اختبر بآخر اسبوع المهم والله ويلحطن بذيك الأسئلة وآخذ 3 ... قلت انا اصلا مادرست إلا الفصل الأول :D عاد المهم وأنا أختبر يجون الطلاب اللي معه كي بورد واللي معه ماوس واللي معه سي دي رايتر ... المهم آخذ بالثاني 4 ... قلت ابوفلان وش تبين اجيب قال لا هدول غير ومادري ايش ... قلت اقول اخلص ... قال جب كي بورد وماوس بس يكونوا نظاف أوي <<<<< قلت يصير خير الوعد Benq :D---------------------------
هذي مجرد بعض النماذج التي حدثت لي وإلا فالموضوع يطول ويطول عن حب المجمع للفخامة فوق اهميه فهم الطلاب وتوفير الجو الدراسي ... فقد عملنا كذا استفتاء للطلاب عن أيهما الأفضليه للفصل أم للقاعات ... أو الأفضليه للشاشات أو مايسمى البروجكتر أم شرح المعلم على السبورة وخصوصاً للمواد العلمية ... فأجابوا أن السبورات وكلٍ له فصله أفضل ولقد حدثني بعض الشباب عن نظامهم المطبق هذا العام (1424هـ) حيث ان لكل معلم قاعه والطلاب ليس لهم فصول بل لهم صناديق وعبر لي عن استياءه من ذلك واستياء أغلب الطلاب ولكن !! فالمجمع لديه كادر تعليمي مميز جداً وكل النماذج التي ذكرت لمعلمين اجانب فالكادر مميز ولكن !! لاحدت الظروف لجأوا للحل بالقروووووش <<< طبعاً الأجانب أما من ناحية المعلمين السعوديين فوالله لم نلحظ منهم أي استغلال لحاجات الطلاب بل بالعكس كانوا يتساعدون مع الطلاب وإذا لزم للزياده ... فهم يزيدون درجات دون مقابل ... وللعلم فإن جميع تصرفات المعلمين الأجانب لاتنتج إلا من توجيهات من الإدارة ....وأيضاً فالطالب الداعم متفوق بلا شك ودربه سهل للتفوق أما الغير داعم فإن دربه للتفوق كدربه بأي مدرسة أخرى ...
وسمعت ان هذا العام نسبة الممتاز بخريجين المجمع 60% فلاأظن ان كل هؤلاء حصلوها بجدارتهم ....
ومن هذا المنبر أشكر الأساتذة
محمد الفايز .
ابراهيم المشيقح .
ابوعبدالرحمن الوابلي.
صالح السويد .<<< اجحده يالحليل :D
صالح المحيميد.
ابوبدر الحميد .
فهؤلاء هم الذين لهم معزة في قلبي لايعلمهاإلا الله ولاأنس من لم تذكر أسماءهم بالشكر الجزيل ... أما الذين استغلونا في محنتنا فالله مردكم لله مردكم ...
كتبه المغيرة .
-----------
صورة لمدير عام التعليم / صالح التويجري .
صورة لمدير عام المجمع / عبدالعزيز التويجري
صورة لمدير القسم الثانوي / أحمد الزمام .