بريدة ستي - مشاهدة لمشاركة منفردة - عاااااجل... احتراااق المعهد العااالي التقني للبنااات ببريده...

Out of Coverage · 24-06-2010, 03:34 AM

الى كل من يهمه الامر

انا طالبه في المعهد العالي التقني

بودي اوضح بعض الامور لمن لم يتمكنوا من رؤيتها
راح ابتدي نقطه نقطه

اولا:وهو الأمن والسلامه
هذا ثاني حادث يحصل بهذا المستوى والسبب مكيف
واذا ضل الوضع على ما هو عليه راح نشوف حوادث اكثر واكثر لا قدر الله
لأن المكيفات كلها تعبانه وتنقط مويه ولا عليه فحص دوري ابد ابد
نشتكي ولا احد يسمع لنا.

ثانيا: القاعات
القاعات مصممه لـ مابين الـ 25 والـ 30 طالبه على الكثير
لكن هم راصين البنات بكل قاعه من 50 لـ 60 طالبه (وانتم عاد تخيلوا الوضع)

بكل قاعه يوجد 2 سبيليت
طبعا واحد طافي ما يشتغل والثاني ينقط مويه ما نجلس تحته وهواه حار

تخيلوا الوضع واحسبوها زين يعني
القاعه مصممه تشيل 30 طالبه بالكثر وفيها مكيفين
صارت القاعه فيها 55 طالبه وفيها نص مكيف
يعني الوضع ما ينطاق
حتى المدربات صارت انفسهم شينه والصراحه ما ينلامون على اشكالنا والحوسه والضيق اللي حنا فيه

ثالثا:
العميده وما ادراك ما العميده
اولا ما عمرنا شفناه إلا قليييييييل جدا
يعني ماتطلع برا الا بالحالات الضروريه القصوى

وسالفة اننا ممكن نتجرأ وندخل عليه مستحيله
بيننا وبينه بيبان وسكرتيره واسلحه ومدرعااات والله تحلفون اننا بنقابل الملك
هذا اذا قدرنا ندخل
انا عن نفسي ما عمري دخلت لأني كل مره اروح اقولهم ابقابل العميده يقولون لي وش تبين به؟؟؟
وش هالسؤوال الوقح

؟؟

رابعا
اماكن الجلوس:
ما عندنا مكان نجلس فيه ابد
إلا المصلى الخارجي برا المبنى وطريقه كله شمس بقوه وحر
على ما يوصل الواحد إلا جايته ضربت شمس

واذا جلسنا بصالة الانتضار << هذي صاله مستقله عند الباب الخارجي
قالوا ممنوع
واذا جلسنا بالممرات ندور على مكان فيه ريحة هوا بارد
قالوا ممنوع
واذا جبنا فرشات
قالوا ممنوع

وين نجلس طيب مالنا غير هاك المصلى الخارجي
مكانه بقلعة وادرين على ما توصل البنت ويلاه منحمسه (تان مجاني) والبنات مكومات هناك فوق بعض هذا غير انه صاد بقوه
يعني لو يحصل حريق ولا شي لا قدر الله ما درينا عنهم وحتى لو يصير شي عندنا بالمصلى ماحد دري بنا يعني المكان خطر
أو
الكفتريا << لحد يصدق قال كفتريا قال
حاطين لنا غرفه كبر المطبخ او اكبر شوي وريحة التكشين والقلي واصله لين الباب وحاطين كراسي وطاولات شويات

بالله من بيجلس هناك؟؟
ومع ذالك نلاقي البنات جالسات ياقلبي من قل الحيله يبون يحسون بشوية براد

خامسا:
جوالات الكاميرا
اغلب المدربات والاداريات معهم جوالات كاميرا يعني حلال لهم وحرام علينا
القانون قانون علينا وعليهم ومثل ما هم يخافون حنى بعد نخاف
--------------------------------------------------------

وكل ما قلنا لهم شي قالوا اساسا المبنى كان مصمم للعيال مهب لكم
ما تأهل انه يكون لبنات
طيب اهلوه يمل الفقر
ولا لا تمنعون اشياء مهب ممنوعه اساسا
مثلا افتراش الممرات عند المكيفات اللي بالممرات

لا طرت عليهم قالوا منضر غير حضاري
انكم تجلسون على الارض بالممر

اجل المنضر الحضاري علب الكلوركس اللي منشّبات بكل مكيف يجمع نقط الماء اذا نزلت

----------------------------------------------------
والسلام عليكم ورحمة الله وبركاته

24-06-2010, 03:34 AM	#94
Out of Coverage عـضـو تاريخ التسجيل: Jun 2010 البلد: الله لا يخلينا المشاركات: 12	الى كل من يهمه الامر انا طالبه في المعهد العالي التقني بودي اوضح بعض الامور لمن لم يتمكنوا من رؤيتها راح ابتدي نقطه نقطه اولا:وهو الأمن والسلامه هذا ثاني حادث يحصل بهذا المستوى والسبب مكيف واذا ضل الوضع على ما هو عليه راح نشوف حوادث اكثر واكثر لا قدر الله لأن المكيفات كلها تعبانه وتنقط مويه ولا عليه فحص دوري ابد ابد نشتكي ولا احد يسمع لنا. ثانيا: القاعات القاعات مصممه لـ مابين الـ 25 والـ 30 طالبه على الكثير لكن هم راصين البنات بكل قاعه من 50 لـ 60 طالبه (وانتم عاد تخيلوا الوضع) بكل قاعه يوجد 2 سبيليت طبعا واحد طافي ما يشتغل والثاني ينقط مويه ما نجلس تحته وهواه حار تخيلوا الوضع واحسبوها زين يعني القاعه مصممه تشيل 30 طالبه بالكثر وفيها مكيفين صارت القاعه فيها 55 طالبه وفيها نص مكيف يعني الوضع ما ينطاق حتى المدربات صارت انفسهم شينه والصراحه ما ينلامون على اشكالنا والحوسه والضيق اللي حنا فيه ثالثا: العميده وما ادراك ما العميده اولا ما عمرنا شفناه إلا قليييييييل جدا يعني ماتطلع برا الا بالحالات الضروريه القصوى وسالفة اننا ممكن نتجرأ وندخل عليه مستحيله بيننا وبينه بيبان وسكرتيره واسلحه ومدرعااات والله تحلفون اننا بنقابل الملك هذا اذا قدرنا ندخل انا عن نفسي ما عمري دخلت لأني كل مره اروح اقولهم ابقابل العميده يقولون لي وش تبين به؟؟؟ وش هالسؤوال الوقح ؟؟ رابعا اماكن الجلوس: ما عندنا مكان نجلس فيه ابد إلا المصلى الخارجي برا المبنى وطريقه كله شمس بقوه وحر على ما يوصل الواحد إلا جايته ضربت شمس واذا جلسنا بصالة الانتضار << هذي صاله مستقله عند الباب الخارجي قالوا ممنوع واذا جلسنا بالممرات ندور على مكان فيه ريحة هوا بارد قالوا ممنوع واذا جبنا فرشات قالوا ممنوع وين نجلس طيب مالنا غير هاك المصلى الخارجي مكانه بقلعة وادرين على ما توصل البنت ويلاه منحمسه (تان مجاني) والبنات مكومات هناك فوق بعض هذا غير انه صاد بقوه يعني لو يحصل حريق ولا شي لا قدر الله ما درينا عنهم وحتى لو يصير شي عندنا بالمصلى ماحد دري بنا يعني المكان خطر أو الكفتريا << لحد يصدق قال كفتريا قال حاطين لنا غرفه كبر المطبخ او اكبر شوي وريحة التكشين والقلي واصله لين الباب وحاطين كراسي وطاولات شويات بالله من بيجلس هناك؟؟ ومع ذالك نلاقي البنات جالسات ياقلبي من قل الحيله يبون يحسون بشوية براد خامسا: جوالات الكاميرا اغلب المدربات والاداريات معهم جوالات كاميرا يعني حلال لهم وحرام علينا القانون قانون علينا وعليهم ومثل ما هم يخافون حنى بعد نخاف -------------------------------------------------------- وكل ما قلنا لهم شي قالوا اساسا المبنى كان مصمم للعيال مهب لكم ما تأهل انه يكون لبنات طيب اهلوه يمل الفقر ولا لا تمنعون اشياء مهب ممنوعه اساسا مثلا افتراش الممرات عند المكيفات اللي بالممرات لا طرت عليهم قالوا منضر غير حضاري انكم تجلسون على الارض بالممر اجل المنضر الحضاري علب الكلوركس اللي منشّبات بكل مكيف يجمع نقط الماء اذا نزلت ---------------------------------------------------- والسلام عليكم ورحمة الله وبركاته