[المهرة]

.
.

اقتباس ما لباس البيت فهو كل فضفاض و اسع لتأخذ راحتها وقميص ممحل ذو ألوان ؟؟؟؟

تقصد الروز .... ترا بعض الوانه خطيره وتدوخ


استاذي... لو قلت هذا الكلام قبل 10 سنوات ممكن نقتنع فيه ، لكن الحين الحريم صاير شغلهم الشاغل وش البس لزوجي ووش اسوي له ومن كثر مااسمع هالكلام بالمجتمعات النسائية حامت كبدي وبديت احس اني مقصره مع زوجي ..

عشان تتأكد من صحة كلامي ابحث في قوقل عن هذه الأمور وشف كيف الحريم هابين فيها بشكل مو طبيعي


ياشيخ الحين صارت بعض الحريم يوم السبت تقلب غرفة النوم غابة عشان تغري ابو الشباب

ويوم الأحد تقلبها سجن بس سجن رومنسي طبعا عشان ترعب ابو الشباب رعب رومنسي طبعا

ويوم الأثنين تلزق اصداف بجدار الغرفة وتحط احواض سمك عشان المعزب يحس انه عالبحر

ويوم الثلاثاء تلبس لبس اطفال وتحط قرنين على اساس انها طفله (ياربي لاتبلانا)

ويوم الاربعاء معليش راح تنام عند اهله بس ماتنساه بالرسايل الرومنسيه اللي نسخته من موقع الحب والرومنسية ، وبعضه مايخش الراس لانه نسخته بدون ماتفهم معناه ...


ويوم الخميس تكب تراب واسمنت على اساس انها مهندس معماري (مصخت وربي)

ويوم الجمعة عاد تعبت ولذلك فضلت تمثل دور النيرس وتلبس معطف والرجال يصير مريض <امحق رومنسية والله ..



اذا سمعت هالسوالف تحس أن الرجال بزر ولا معتوه ، استغفال للمرأة السعودية بشكل خاص والخليجية بشكل عام لإنهم عرفوا أن زوجه هو نقطة ضعفه فدخلوا عليه من هذا الباب ،واللي يقهر أنه تسوي كل هالأدوار وهو مازال لابس فنيلته القطن وسروال السنه ....!!!




ليش ماتقول أن بعض رجالنا ماتكفيه زوجه وحده ،يعني هو طبعه كذا

ليش دايما نحط اللوم على الزوجه ونحسسه انه مقصره ...




اسفه على الإطالة ،لكن الموضوع يهمني

شكرا لك