[الجوني]

الله يبشرك بالخير

لو استمر تسان بتصير به اشياء وشويات

عاد هم فكروا يخططونه ويقسمونه اراضي ابرك من تشغيله ثلاثة شهور بالسنة

اما مستقبلا فاتجاه الشمال لبريده مستقبله واعد اللي عنده قريشاتن نايمه يستغلها فيه وكلها خمس الى عشر سنوات وتشوفون سعره بالعلالي

والحمد لله مثل ماقالوا الاخوان فإن الحدائق في بريده صارت حلوة بعد مانزعوا الشجر ( الغابات ) واقاموا الحدائق بالأحياء وكله مفتوحة مسطحات خضراء والعاب اطفال اقل في التكلفه ووالتشغيل لذا كثرت واهتموا فيها وهناك المنتزهات والساحات الكبيرة بكل اتجاه ومكان

منتزه المنتزه بعد التطوير ووضع المسطحات وقص الاشجار اصبح رائع وكذلك منتزهات الشماس وغرب البلدية ومنتزه الرفيعة ومنتزه ( كرنيش ) الهديه على الدائري الشرقي ومنتزه الإسكان ومضمار بحيرة الاسكان ومضمار بحيرة الخليج وحدائق الأحياء المنتشره بكل حي والعمل قائم على منتزه الملك عبدالله على الدائري الشرقي عدا الحدائق في كل محافظات القصيم يعني فيه اماكن كثيرة وقريبه وسياحية للمحافظات ووجود اثار في كل قرية فقط نحتاج الى دليل سياحي لنعرف ان القصيم فيها اشياء لانعلمها وعلى ادراة مكتب السياحة ببريده توضيح وتفعيل ذلك لتعم الفائده على الجميع والبلد بتنشيط السياحة

ودمتم سالمين