[ألوان وتناتيف]

اقتباس المشاركة الأساسية كتبها كتكوته بسم الله الرحمن الرحيم.. قرات جميع الردود وراح اجاوب بناءا على خبرتي بهالامور وليس عبطا.. 1)الاب اخطأ بتصرفه مع الزوج..وهذا اسلوب همجي ..كان على الاقل قال من شروطه ان راتبه له على الاقل.. 2)لاتظنون سوء بالاب اما قصده بيشوف الزوج متقدم عشان فلوسها او مشتريها لاني اعرف ناس تقدموا لوحده وبعد ماخلصوا دروا ان المعلمه استثاء ليس ترسيم هونوا..والحمد لله ربي فكه..اوقصد الاب بيحفظ فلوس البنت وسامع بمشاكل زي كذا وتصرف خطأ. 3)الاب مايجوز ياخذ ولا ريال من بنته الا برضاها لان البنت تختلف عن الولد ..الرسول قال للرجل الي جاه انت ومالك لابيك اما البنت لايحق له بدون اذنها. 4)بعدين اللي يقول الزواج شراكه هذي تنفع للمصريين والسوريين واللبنانيين اما السعوديين فلا والف لا..لانهم انانيين ويحبون انفسهم واجد ويحبون التعدد لذلك ايش يضمن لي انه مايتزوج علي..والله اني اعرف حرمه زوجه عقيم وصابره عليه ونافعه انمه من وراه وشايلتن اهله على راسه وباخر عمره ربي رزقه بطفلين وراح طق عليه مصريه..وش تفسرون هالكلام؟؟؟؟انه اناني ولاقدر ويحب يطرب نفسه؟؟وقريب لي زوجته قامت بامه وتشيله وتحطه حتى ماتت وبالاخير يطقه بثنتين وليته على كذا يقول شغلك بامي حطيه تحت رجولي؟؟ماهميتين..وش تفسرونه ماقدر هالشي ويحب يطرب نفسه..لذلك لا اؤيد اني اساعد زوجي بالمسكن او اخذ له قروض جامده..اما من ناحيه اني مكفيه نفسي الحمدلله تقديرا لضروفه الماليه..ولااضغط عليه بالطلبات..اما من ناحيه مساعده بايجار او بنايه مستحيل ولاطرت لو نقعد طول عمرنا من دون بيت الا اني ابشتري شي باسمي..لان الرجال مامنهم امااااااااااااااااان وخاصه السعوديين يحبون التعدد الا القليل..ولو ماسوينا هلاشياء ذي كلها ..ماعلينا لوم ولاهو بذنب ارتكبناه..لانه شي راجع لنا..ولكن مع ذلك يوجد قله من الرجال عكس هذا وتفكيرهم كبير ..ومنهم زوج خالتي يقول اتمنى اتزوج ثانيه لكن والله ماجرح زوجتي لو اموت وهي شايله امي بعيونه..وهذا مثال بسيط من الامثله اللي تصير.. ورجاااااااااااااااااااال هالزمن اتكاليين ..واللي بتعطي رجله وتساعده من دون توثيق تراه بيدوس على راسه.. وهذا اللي صاير بمجتمعنا..قسم بالله العظيم الكريم وانا المسئوله امام الله انه ذا اللي يصير..ولا كذبت وقننت من عندي..هذي نتيجة دراسات .. وربي يسعد كل زوجين.. ونصيحتي لكل زوج يترفع عن دراهم زوجته ولو معه مليار ترا بتمن عليه وتذله..

عذرا على المداخلة ياصاحب الموضوع ..

إختي كيف شرحتي الحديث بأنه يخص الذكور دون الإناث ؟؟

الحديث عام للنساء والرجال والأخذ يكون بشروط منها أن يأخذ على قدر حاجته ..

عن عائشة رضي الله عنها قالت: قال رسول الله صلى الله عليه وسلم: إن أولادكم هبة الله لكم، يَهَبُ لِمَنْ يَشَاءُ إِنَاثاً وَيَهَبُ لِمَنْ يَشَاءُ الذُّكُورَ(الشورى: من الآية49)، فهم وأموالهم لكم إذا احتجتم إليها. رواه الحاكم والبيهقي.

وحديث عائشة يوضح أن المسألة عامة للجنسين ويقيدها بالحاجة ..