[برق1]

اقتباس المشاركة الأساسية كتبها فضه طيب بس يااخ انا اذا شفت بنات يمشون ماشوفهم لازقين بالرجال بالعكس كل واحد يمشي مسافه بعيده عن الثاني

أقول :
مع أن السنة في طواف القدوم أن ( يرمل ) الطائف ( يمشي مشي سريع قريب من الهرولة ) وفي السعي يركض ركضا شديدا
فإن المرأة لا يشرع لها أن تفعل هذا , بل ( يستحب ) لها ترك ( المستحب ) ! مع انها تتعبد لله , في بيت الله الحرام , وليس حولها إلا منشغل يتعبد في طوافه ويدعو , ومع هذا منعا لظهورها بمظهر يخال الحشمة نهيت عن تطبيق (((( السنة ))))

تجينا حرمة على رصيف شارع الحوامل أو مضمار البلدية شرق الرفيعة , أو حديقة الإسكان ( العائلية ) تهرول مع الرجال !!!! وتقولين ما فيها شي ؟
وين حنا فيه ؟!
والله عيــــــــــــــــــــــــــــــــــــــــب , وجريمة .

اقتباس المشاركة الأساسية كتبها فضه طيب انا ماقلت كل وحده تروح تدور رجال وتتمشى معه او تتنزه معه انت تقول زاحمتونا بالحدايق يعني اللي فهمته واتمنى اكون غلطانه ان المراه ماتروح حدايق صح والا لا؟ انا كم مره رحت حدايق بس عمري ماشفت واحد قليل ادب او طالعني بنظره احتقار ولاعمر احد قال لي كلمه غلط وبعدين انت قلتها بنفسك اي جسم اللي بيطالعه والبنات لابسيين عباياتهم ومتسترين فيها

ما طلبت عدم طلعة الحرمة للحدائق أو الأسواق أو الملاهي
المرأة لو طلعت حدائق أو أسواق تلتزم حجاب المؤمنات وتلتزم تصرفات الحشمة وما عليها , وهذا قلته قبل .
فقط طلبت ما تكون المرأة قليلة حياء تمارس الرياضه أو تتمشى بين الرجال , أو تلبس حجاب زينه مثل النقاب الفاتن أو العباية المخصرة أو عباية الكتف أو المطرزة ... الخ
وصفك لنفسك وإنك ما واجتي شي شين يدل على إنك محتشمة , أما لو أنتي تمارسين الرياضة أو تتمشين بحديقة مثل حديقة ( الإسكان ) أو الضاحي أو الفايزية فكلامك غير صحيح , فالشباب الداشر يشوفهم الجميع متكومين هناك , ينتظرون المتمشيات واللي يمارسن الرياضة , هذا شي يشوفه كل أحد وما جبت جديد , مرور سريع مع الشارع اللي شرق حديقة الإسكان يوم خميس الساعة ( 12 ) ليلا تكفي ليعرف الواحد ان الدعوى حوسة .
هذا في ( بريدة ) المحافظة ) وفي حديقة جنبها كشك للهيئة , فكيف بأماكن ثانية من أسواق وحدائق الرياض وجدة والخبر ومضاميرها !

اقتباس المشاركة الأساسية كتبها فضه اخوي اذا كان هذا تفكيركم فهذا عار عليكم انتم..يعني مراه محتشمه بعباتها وتمشي في مكان منفصل يعني مامسكت يد رجال ومشت رجلها على رجله... ليش يروح بالكم لانها ماتستحي او جايه تنحرف

نعم هذا ( تفكيري )
خوش حشمة وهي تهرول مع الرجال !
المرأة التي تمارس الرياضة في مضمار واحد مع الرجال قليلة أدب وحياء بمعنى الكلمة , وما ألوم من طمع منها بشي أو صار يتمتع بجسمها وهي تهزه هروله قدامه , وهي تدري إن الله منعها من الهرولة بالطواف , تجي تهرول بشارع الحوامل أو بمضمار الضاحي ببريدة .

اقتباس المشاركة الأساسية كتبها فضه اذا حدث وبادلته نظره اعجاب فكلاهما ياخذ الاثم ولكن اللي تفكيره منحط راح يفكر ان كل بنت سهة المنال سواء شافهم في مضمار او في سوق او تمر بالشارع عشان تروح بيت اهلها

صدقيني إن اللي تفكيرهم منحط ما يقربون المحتشمة , والمحتشمة لها علامات واضحة
حجاب ما فيه زينة ولا نقاب فاتن
مشي محتشم
كلام محتشم
ما تفكر تتمشى وتمارس الرياضة قدام الرجال
هذي من علامات المحتشمه , اللي يعترف دشير المعكسين انهم يهابونها وما يقربونها لأنهم يعرفون انها ما هي للأمورهذي , أما اللي يلقون منها علامة على غير هذا فوراها حتى تدوخ . حتى لو ما كانت تقصد الشين . بس مظهرها أو تصرفها مش ولا بد .

اقتباس المشاركة الأساسية كتبها فضه اوكي بس من اي منظور تشوف ان الملاهي والحدايق تجمع للسفله ... لو انهم رايحين ديسكو او مرقص كان قلت انه مكان سفله ومنحطين ومن اي ناحيه روحة الحريم للملاهي عدم حشمه وغباء في التصرف

فهمتيني غلط
ليس القصد ان اللي يروح لها منحط !
بل المنحطين اللي يتصيدون البنات وين تلقينهم ؟ أكيد بالحدايق والأسواق والملاهي .
وهنا مشكلتنا مع اللي ما تحافظ على الحيا وتلزم الأدب , سواء قصدت الشينه , أو جابتها بحجة انها عاقلة ما شاء الله , وحرّة في تصرفها .

اقتباس المشاركة الأساسية كتبها فضه بسس من نساء الصحابه من مارس الرياضه..... تصدق؟ كانوا يركبون الخيل ويرمون السهام

( عن بن عباس ان امرأة مرت على رسول الله صلى الله عليه و سلم متقلدة قوسا فقال النبي صلى الله عليه و سلم لعن الله المتشبهات من النساء بالرجال والمتشبهين من الرجال بالنساء ) الطبراني في الأوسط .
لعن صلى الله عليه وسلم من تتقلد قوسا , فكيف يسمح لها أن ترمي به السهام وتركب الحصان ؟!

نساء الصحابة ما يمارسن الرياضة
وما مارست الرياضة بالعالم كله مسلمينهم وفجارهم من أول يوم بالتاريخ إلا حريم اليوم .
اما من يحتج بمسابقة عائشة للرسول صلى الله عليه وسلم , فالحديث حجة عليه .
أولا عائشة هي أخبرت , وإلا فما درى أحد , لأن الرسول صلى الله عليه وسلم ما يسمح لامرأة تسوي رياضة قدام الرجال .
وهي كانت مجرد لعب صلى الله عليه وسلم , وما كان القصد الرياضة
لو كان القصد الرياضة ما كانت مرتين بحياتها بس !
والدليل على ان المسألة مجرد مداعبة عابرة , لا رياضة ولا يحزنون . أن عائشة ذكرت أنها سابقته وهي بنت خفيفة ثم سابقته وبعد أن كبرت وتكاثر جسمها !
فبين الركضتين سنين طواااااال و فهل تكفي أو تعدّ رياضة مجرد ركضتين لمسافة خمسين متر بالعمر كله ؟!
والدليل المؤكد على أنه لم يحصل إلا مرّتين أن الرسول صلى الله عليه وسلم قال لها يوم سبقها بالثانية ( هذه بتلك ) ذكّرها بيوم سبقته قبل سنين ! إذن ليس بينهما ركض آخر
والله المستعان .

اقتباس المشاركة الأساسية كتبها فضه وفي غزوه من الغزوات طلبت مجموعه من النساء الخروج مع النبي فلم يمنعهن من ذلك

هذا يحصل في كثير من المعارك , لكنه للنساء ( الكبيرات ) فقط , مصاحبات لأزواجهن , وهن لا يباشرن المعركة بل يبقين في أخبيتهن حتى تنتهي المعركة فيمرضن ويسقين

اقتباس المشاركة الأساسية كتبها فضه حتى ان منهن من صدت ضربه عن النبي عليه افضل الصلاة والسلام.... هؤلاء نساء المؤمنين

كل حال خالفت النص تفسر بحسبها , ولا تنساق على العموم أبدا , فالنص يلعن المرأة التي تحمل السلاح كالقوس والسيف ونحوهما .
لو أن امرأة رأت أن عدوها سينتهك عرضها ورأت أنها تستطيع دفعه بسيف أو مسدس أو رشاش فلها ذلك
ولو أنها رأت زوجها سيقتله العدو ولديها بندقية تستطيع رميهم بها , فلها أن تفعل .
لكنها ملعونة إن حملت ظاهرالسلاح بين الناس حال السعة .

ولو أنها لم تجد ما تلبس إلا شماغ رجل , وإلا بقيت كاشفة , فلها لبسه .
أو لم تجد ما تدفّئ به نفسها من البرد إلا ثياب رجل , فلها ذلك
لكنها ملعونة إن لبسته حال السعة .
وهكذا
فحرام أن نأتي لحالات خاصة أو ضرورات أو حاجات تفسّر بحسبها لنطبقها على العموم

اقتباس المشاركة الأساسية كتبها فضه عندك احصائيات الوفيات ... وبعدين حتى لو مافيهم مرض مايصير يعني المراه تقوي لياقتها يعني مو اذا مشت البنت او تحركت ربع ساعه ينقطع نفسها البنات اللي مافيهم حيويه ممكن يعالجون هالشي بالرياضه

الحمد لله ان اللي يمارسن الرياضة ما مثلن نسبة وإلا كانت مصيبة المصايب .

اقتباس المشاركة الأساسية كتبها فضه اخوي الرجال ماراح ينعدمون من وجه الارض بس اللي تقدر البنت تسويه تحافظ على مسافه بينها وبين الرجل وبس خلصنا وماعليها اثم ان شاء الله

أؤكد وأعيد ما أدين لله به :
ممارسة المرأة للرياضة ( مع ) الرجال , أو ( قدام ) عيونهم , جريمة , ومن تبرج الجاهلية

اقتباس المشاركة الأساسية كتبها فضه للاسف اكثر نسبه لامراض الرجال والنساء وخصوصا السكري والضغط موجوده في السعوديه لان لاحريمنا ولارجالنا يمارسون الرياضه يكفي ان التغذيه لاغلب المواطنين سيئه بعد يوقفون عن الرياضه

عندك إحصائية ؟! هاهاها
بعدين ما دام المشكلة من كثر ودسامة الأكل , الحل ما هو بكثرة الأكل ثم الرياضة , الحل بتخفيف الأكل وينتهي الإشكال .

اقتباس المشاركة الأساسية كتبها فضه والحمد لله حجابنا بخير وعباتنا ساتره ومافي شي من اللي قلته تصرف انسانه مو محتشمه

غرييييييب ! أجل يبدو إن اللي نشوفهن بالحدايق والملاهي والأسواق خذ يا زينه وكشخات ( حجاب ) وغنج ... الخ من كوكب ثاني .

دخلت ملاهي مع زوجتي وأولادي ووصلنا لعبة ما أدري ايش اسمها , تركب البنات طبق يرتفع ويدور ويسوي حركات مخيفة , وخذ يا خوف وصراخ وتشلع ثياب وغطاوي ! والشباب هيصة يتفرجون !
أكيد هذولي من عطارد .