[•°انكسار الأماني°•]

اقتباس طلبك هو الحاصل أصلا فالهيئات تهين الشاب وتمرمطه وتدوسه وتعاقبه , بينما تودي البنت لأهلها مستورة . لذلك ما أعرف سبب نياحتك على ان اللي يعاقب ويوبخ هو البنت بس .

هل تعتبر تصرفهم نصرة للمرأة أمْ نصرة للرجل ومراعاة لأولياء أمور هذه الفتاة الفاجرة لوحدها بوجهة نظر المجتمع ؟؟
والله أتمنى الهيئة يعاقبون البنت مرة وفي المقابل المجتمع ينسى اللي صار منها بالضبط كما يفعل هذا المجتمع البائس مع قرينها الشاب ولايعاقبها ظلماً أبد الدهر .
لاداعي لتلميع مجتمعنا ووصفه كذباً بأنه مجتمع يراعي النساء ويحفظهن ويعتبرهن جواهر و ماكنتوش ,
أكثر رجال في العالم بين قوسين بالكرة الأرضية يلوكون أعراض النساء على أتفه الأمور هم السعوديين .
وإن كنت تريد ضرب أمثالة تثبت لك إن شبابنا داون أس ماينس مية لابأس أذكرها .
نعود للهيئة وسترها على الفتيات , الستر كان لعلمهم أن المرأة مقهورة واقعاً ولاداعي لزيادة الطين بلة ,
يعني ماموقف الأهل لو علموا بمافعلت إبنتهم ؟؟ قد تصل للقتل وهذا هو الحاصل للأسف , قارنها لو كان المخطئ إبنهم ماردة الفعل ؟؟
يطبطب الوالد على كتف أبنه ويقول ياوليدي المرة الثانية لاطلعت مع بنت إحبك الطلعة صح مهب يطيحون بك الهيئة .
والأمثله إسأل عنها الهيئة لانادوا الأباء بسبب إنحرافات أولادهم اللي يهاوش الهيئة واللي يسبهم واللي يقول أنتم ضد ولدي ومن هالحكي الطويل .
والبنت عارفين الهيئة وش بيجيها لو يعلمون أهلها , يدرون إن الأمور توصل لقص رأس ولايبون يكونوا سبب لإهدار دم مسلم .
يقول المثل طال عمرك لاتصير أنت والزمن على فلان , وأقول أنا الهيئة مايبون يصيرون هم والمجتمع ضد هالبنت اللي قدر الله وأخطأت كما يخطأ الذكر .

لأجل هيك رجال الهيئة يسترون على أهل البنت مش على البنت .
لأن البنت بالجاهلية مؤودة جسدياً وبعد الإسلام بعصور طويلة مؤودة نفسياً .
ويقال أيضاً طال عمرك المرض النفسي أشد من المرض العضوي ,
يعني ليتهم دفنوهن مواليد ولا أهانوهن مجاويز .

هذا وصلى الله على نبينا محمد .