[•°انكسار الأماني°•]

ياسيد إذا البنت ماسلمت من أهلها مع الستر عن الناس أجل لو يفعل بها كما يفعل بالولد تجرجر للمحاكم وللسجون إلـخ ؟؟ وش بيسون ؟؟
سبب ستر الهيئة على الفتاة مراعاة لولي أمرها مايبون يضيع وجه قدام الناس مايبونه يهاجر عن الديرة لابدوا الخلق يهرجون بسالفة بنته مايبونه يذبح بنته .
مهب كله علشان البنت أصلاً البنت خلاص مجرد مايعرفون أهلها هذا بحد ذاته نهاية نفس ترى جرائم الشرف مش بس بالخارج حتى بالسعودية فيه .
وحتى لو ماقتلت مجرد معرفة الناس بمافعلت هذا أشد من القتل عليها لأن الكل ضد حتى الأهل لو تتوب لو تصير من تصير .

على فكرة أذكر طرح موضوع عن الزواج برجل له سوابق وتواجدت ردود تؤيد الإرتباط به .
هذا تفكير البنات خلاص هن مؤمنات أن الرجل عيبه بجيبه وهذا كله بفضل المجتمع اللي طول عمره يدرسهن هالمعلومة .
أيضاً الكثير من النساء في مجتمعنا يتعايشن مع رجال يغازلون ويسافرون علشان يلعبون إلـخ ويدرن ومع ذلك معهم باقيات ..
والرجل ينفصل عن زوجته لأسباب تافهة جداً يعتقد هو أنها عظيمة كمثل زميلة شبه تصل حالتها للطلاق لعلم زوجها أنها تدخل شات والمشكلة أنه يدخل هو .

لكل رجل سعودي أقول أحمد ربك إنك رجل في الدولة السعودية والله مافيه رجل مثلك عايش .
الديرة بكبره لك وكل شيء بإسمك والمرأة ظلك الذي يتبعك ماله كلمة ومع ذلك مسكته لايمكن تجد إمرأة بالعالم ترضى بهذه الحياة .

ولكل إمرأة سعودية أقول أكسري القيد .


؛

طارح الموضوع زمن العار ولى وأنتهى .
مثل ماأن العار زال عن الرجل برضو زال عن المرأة .
الرجل كان يظن أن المرأة ستبقى المتضررة حين الخطأ بسبب غشاء البكارة وهو يتزوج ويعيش يومه .
لكن العلم أثبت إن الرجل ماعنده سالفة في هالزمن اللي تلعب واللي ماتلعب مثل بعض لافضايح ولاهم يحزنون .
الدنيا تطورت عمليات والصين ماقصروا صنعوا غشاء وقل للرجال الحريم صارن مثلكم .
يعني ياأي رجل توقع إنك في المستقبل قد ترتبط ببنت راعية سوابق ولاتدري .
مثل ماأني قد أرتبط بشاب راعي سوابق بس إلتزم وصار المجتمع يناديه الداعية فلان .

..