[أم غادة]

اقتباس المشاركة الأساسية كتبها نسايم ليل وعليكم السلام شوفي يانوفا اذاجيتي الاربعاء سيدا للحموله ونامي عندهم وبعدين الخميس روحي تغدي عند اهلك وتعشي ونامي ومن بكرا تغدي عند الحموله وسلمي عليهم وامشي لديرتك ...وبالنسبه لاجتماع الحموله من رايي انك تحضرينه علشان مايقولون عنك وررررررره وتكبرين بعيونهم بيقولون وهي بعيده ماتركت اجتماعنا هذا من وجهة نظري وانتي عاد ابخص بحمولتك .تحياتي

إذا تبين رأيي يا نوفا:
أنا مع رأي الأخت نسايم ليل, إذا جيتي على طول انزلي على الحمولة وتقهوي معهم وخلي الأربعاء لهم, وإذا عند أهلك طلعة بالليل روحي مع أهلك, وارجعي نامي عند الحمولة وفطري زوجك الصباح واجلسي مع أم زوجك الظهر أو أول العصر ثم روحي أهلك واسهري معهم, وودعي أهل زوجك الجمعة, يعني أهم شيء أول ما تقابلين وآ خر من تقابلين هم, والصامل والسهرات عند أهلك, يعني يبقى لأهل زوجك بس أطراف اليوم والأوقات الي ما يكونون أهلك مجتمعين فيها, وبالنسبة لاجتماعات أهل زوجك, أنا ما شوف له داعي تحضرينها بانتظام خصوصا أنك ما جبت عيال, يعني لو بيجي يوم تملين وتبتدين ما تروحين, بيقولون وش بدا للبنية؟ ليه خلتنا؟؟ والا قبل طافة والحين راحت الطفة(ما أطيق هالكلمة), وبعدين لمن الله رزقك بطفل طفلين, تحطين لهم حق كامل!
وصدقين بالنسبة لأم زوجك ولأبوه, بتشق خواطرهم إذا جلست عندهم النهار خصوصا أنه أوقات ما يجتمعون عيالهم وبناتهم فيها! فيشبعون منك, مو مثل لو سهرتي عندهم مع العالم!

وأعرف بنات يسوون كذا ولهم معزة بقلوب أهل زوجهم!
مو لازم تهينين نفسك وتتركين اجتماعات أهلك عشان يحبونك, فيه طرق ذكية تخلينهم يحبونك ولا يشرهون عليك, وبنفس الوقت تسوين الي تحبينه!!