[القلب الوردي]

عزيزتي ابتهاج
حاولي تكلمين أمك وتصارحينها باللي مضايقك وتسألينها عن سبب هذي المعاملة وقولي لها وش الأشياء اللي تكرهها منك حتى تتجنبينها , إذا ماقدرتِ أو عجزتِ عن الكلام اكتبي لها رسالة ووضحي لها كل شيء وبيني لها عن ضيقتك وحزنك وقهرك ووضحي من خلال كلامك إنك تحبينها وفقدتيها بعد زواجك صدقيني راح تتقبل وتتغير معاملتها معك للأحسن إن شاء الله .

نصيحة لقلبك : لا تشتكين لأي أحد يقابلك ولا تسبين أمك عند الناس مهما كانت صلة القرابة وحتى لو كان زوجك لأنه مهما كان هذي أمك ومصيرها بترجع للصواب بإذن الله ومالكم غير بعض والناس ماراح تستفيدين منهم شيء يا إنهم بيحقدون على أمك وهذا شيء مايرضيك طبعاً أو إنك بتطيحين من عيونهم وبيقولون مادام تجرأت وسب أمها وش عاد باقي الناس .!
( إن ضاق قلبك بالهموم اشتكي لخالقك هو أخبر بك من نفسك )


أسأل الكريم العظيم أن يفرج همك وأن يحنن قلب والدتك عليك وأن يجمع شملكم بخير