[الصباخ]

اقتباس المشاركة الأساسية كتبها الضَمَـادَا ® يا شين الحماس الغير منظبـط لا و بظهـريـه أووك العلوم بوقته دماار .. مير به أحد يطلع الظهريـة هاليومين بعدين أبو صباخ / وش تخصصك

يارجال بلاك ماعشت اللي عشناه، ولو عشته تبي تشوف وش معناة الحماس غير المنضبط (الله يرحم والديك ويجعلهم بالجنة ترى منضبط تكتب كذا مهب كذا منظبط << من قوة الخطأ عجزت اكتبه زين ).
وتخصصي طال عمرك إحصاء إداري داري إنك ماراح تعرف التخصص، لأن التخصص نادر الوجود والخريجين من هالتخصص يعدون على الأصابع.

اقتباس المشاركة الأساسية كتبها &جرجس& لكل مجتهد نصيب الله يرزقك الوضيفه الى بالك ...

أكيد لكل مجتهد نصيب.
الله يجعلنا وإياك بالجنة.
قل آمين.

اقتباس المشاركة الأساسية كتبها برنس بريدهـ لو تلبس أزين الملابس وتحط أغلى عطر بالعالم وتلبق عند البوابه وتدخل علهم مايمشونك إلا ومعك فيتامين واو .. نصيحتي ،، بدال ماتتعب روحك وتعرق بهالشموس ،، ((عاد شمس الرياض ماتلعب )) دبر لك واسطه ومالك إلا اللي يمشي أمورك وبدون تقديم ووجع راس بعد .. ما أقول إلا الله يعينك ويصبرك عليهم ..

يارجال وأنت مصدق إن الواسطه تبي توظفك وأنت ببيتكم؟
ياعمي والله لو أنت ولد الملك!!
حتى الواسطه لازم تروح وتقدم أوراقك وتلاحق وراه وتلاحق الواسطه اللي يبي يتوسط لك.
ويالله خله على الله، لين تتيسر وتضبّط أمورك.
دعواتك ياحلو.

اقتباس المشاركة الأساسية كتبها سواق تريلهـ ! المدابتس خلف متاع الحياة الدنيا يلازمه التعب والنصب من أجل لقمة العيش ، ولابد أن يصبر المرء حتى يحقق هذا الهدف المنشود من الصغر ، أبو ريم تراي أحبك كثير مرة، متى تصير خويي؟

الله أكبر، المدابتس خلف متاع الحياة من وين جبته ذي؟؟؟؟؟
هههههههههههههه وتعب ونصب هههههههههههههههههههههههههه..
وهدف ومنشود ومن الصغر والله منتب سهل ههههههههههه .
أقول ما تبي توت بس؟
إلا على الطاري متى بس نصير أخويا؟
بعدين وش مميزاتك؟
يعني وش ممكن استفيد منك!! << .

اقتباس المشاركة الأساسية كتبها أبو رُبـــــى صبر جميل والله المستعان ... !! ذق ما ذقنا .. وأنت تحسب الوظيفة هج خشك وبس ..؟؟ هذه بداية الكفاح يالحبيب .. توك بأول المشوار .. لكن شكلك تحتسي عن الجامعة .. لأنه هي الدائرة الحكومية الوحيدة المترامية الأطراف .. قل آمين يابو ريم والقراء كلكم قولوا آمين .. : الله يرزقكم من واسع فضلة وأن يرزقكم الزوجات الصالحات المصلحات وأن يجعل فيكم خيراً كثيراً للإسلام والمسلمين .. ^^ مسكت دين اليوم ..

الله أكبر، درر درر يابوربــــى بس تكفى لا عمرك تفكّر زين.
خطأ عليك مهب الجامعة .
أقول ياخال، ماودك بس تدبرنا .
علشان ندعيلك وندبرك .
حبي وأشواقي ومحبتي لك يا عزيزي .