[المنخرش]

يبدو والله أعلم ان الاسلوب صعب عليكم ولم يستعوبه الأغلب ..

وأشوف ان البعض دخل بالنية وخلص وشرع بالنصيحة .. وبالتذكير .. وهو فاهم غلط

انا ودي أرد على عينات بس مادري وش تبي ..

خلونا حبة حبة

اقتباس ابو الانتقادات يمنع الانتقادات

ياعزيزي ؟؟ أنا لم أمنع الانتقادات
انا منعت انتقاد طاش فقط
لأن انتقادها فيه ترويج لها
يعني تسوون دعاية لهم وانتم ماتدرون

مثال

الأخت غموض تقول

اقتباس وللمعلوميه والله مافكرت اني اشوفه ابد الا امس يوم شفتكم مخترشين مسيحيه ومادري ايش قلت خل اشوف وش هم مسوين !!

يعني هذا اللي كتب الانتقاد عند أناس لاتشاهده أصلاً
فسوا دعاية لها وراحوا الناس الغافله عشان تشوفه
فهمت علي ياغالي ليش امنع انتقاد طاش؟

اقتباس على قولك ليش مااشتكيتهم اوبلغتهم

الحمد لله اشتكينا وبلغنا ومن قالك اننا مابلغنا ..؟
انا في موضوعي أحذرك انت والناس الطيبة لايقعوا بالفخ ياعزيزي
اما دوري فأنهيته قبل وكل ما استطيع فعله فعلته

اقتباس اما اللي يلعبون بعقائد المسلمين واحكامهم وشرائعهم .. فلا تزعجوننا بانتقادهم

ماهو دورك انت في هذا ؟؟ هل كلمت المخرج والمسؤول ..؟

مكلتك ياعزيزي
تضع نصائحك لأناس أصلاً ماتشاهد هذا المسلسل ..

انا لو أجي أنصحكم هنا عن مسلسل برزن بيك ولا لوست
تبي تقولي وش دخل ام الأفلام هنا
تبي تستهتر بي
تبي تقول انت غلطان ..ليش ..؟ لأن بدأت أضع انتقاداتي ونصائحي .. لأناس أصلاً هم بعيدين كل البعد عن هذه الأفلام
فكيف تنصح في مجتمع هم أصلاً بعيدين عنه ..؟


هل رأيت سمعت خطبة الجمعه عن (المراقص والملاهي الليلية)..؟ لا
ليش ..؟
لأن متجمعنا ولله الحمد مافيه فلذلك ليش تنصح وتنتقد ومادري ايش ..؟

انا عن نفسي والله العظيم اني لم أشاهد ولا حلقة من طاش
فإيش العلقة بين بريدة ستي وطاش ..؟

ليش تروجونالها في مجتمع لايعرفها أصلاً
إذا كنت ولاب
رح اتبها في ساحة الاقلاع ولا بمنتدى ام بي سي
هناك تنفع نصيحتك لأن كلهم يتابعونها ويعرفون وش تتكلم عنه

اما انا اسمع نصيحة ان طاش تدعوا للمسيحة .. ولكن إذا أردت ان أعرف لازم أروح واشاهد هذا المشهد عشان أعرف وش يتكلم عنه كما فعلت الأخت

إذا انت تساهم في نشر المقطع ونشر طاش ككل



لي عودة لباقي الردود

شكراً لكم