[المنخرش]

اختي

اقتباس هم بس كان ودهم يحذرون اللي يتابعونها ماتدري سبحان الله يمكن احد يتابعها لما يقرأ هالكلام عنها يتركها

اجل ليش ماتكتبي عن مسلسل 37 ومسلس باب الحارة وسنوات الضياع ..
وتنصحون العالم ..(يمكن) يكون احد يتابعهن ويتعض ..
هل هذا يعقل ؟
نتخذ إجاراءات (يمكن)
----------------

اقتباس يستخفووون بالمشاهد والا حلقة اليوم اجل((الحرمه تأخذ ثلاثه ازواج))

يستخفون بعقلك انتي والثاني والثالث ياللي تطبلون لهم وتشجعونهم
اقسم بالله لو شاهد هذا الرد احد ممثلي طاش .. كان ينبسط ..لأنكم تسون لهم دعاية وسط مجتمع ملتزم

إذا يستخفون بكم
لاتشاهديها واتركيها لهم .. ماحد جبرك تشاهدينها وتجي تنتقدون هنا


-------------------------

اقتباس ثانيا : لا بد النصح والتحذير . الله لا يقطعة من مجتمعنا

اخوي ياليتها نصيحة .. وياليتها مناصحه
هذي ترويج ودعاية

اخوي .. الشخص إن أراد النصيحة فليبحث عن نصيحة مناسبة لمجتمعه
كما ذكرت سابقاً في ردي السابق

يعني مو معقوله تنصح عن طاش وهو اصلاً مافيه احد يشوفها

لكن لو تركناهم لكان افضل ولم تقم لهم قائمة



--------------------------

اقتباس شاهد تأثير هذا المسلسل فيك ألى انك تقول عادي المسلسل مافيهاشي

الله يرحم اميمك قل آمين

اقتباس مااقول الا الله يهديك وتترك عنك سخفات هذا المسلسل

اقول كيف الحال

اقتباس حلقة امس عن المسيح يبغون تحويل ضعوف الدين إلى التحويل إلى المسيح

الحمد لله انا لم اروج لأفكاركم مثلك ولم أشاهد حلقاتهم ياعزيزي

اقتباس لاكن بدءت تشتغل هذه الأفكار في مخك والي كاتبة انت مايكتبة حتى المجنون

يجيك عن الوالد ..؟

اقتباس وانشاء تتعض وتترك عنك سخفات المسلسل

انشاء الله غلط
تكتب إن شاء الله

اقتباس وهذا من باب النصيحة

يجيب الله مطر
--------

اقتباس ولكن أسمع أهلي صار كذا وصار كذا

هذا هو عين الترويج .. وهذا ما اتكلم عنه

قسم بالله البعض يضن انه ينصح وهو من جنبها ..
وهذي أفضل دعاية لهم في وسط مجتمع لايعرفها
فأنتم الآن جالسين تعلمون الغير مشاهدين .. لمشاهدة هذا المسلسل ..
وياويلكم من ذنبوهم لأنكم انتم السبب في نشرها لهم

اقتباس المنخرش شكراً لكْ وكما قلت لو هي ظل الجزيره ماصار اللي صار

تسلم حبيب قلبي
والشكر موصول لك

ليتنا نسمع انتقادات عن ظل الجزيرة وصباح الليل والكاميرا الخفية
لأننا من متابعينها ونستفيد منها ولو رأى احد خطأ يبينه هنا لأن الأغلب هنا يتابعها ويستفيد من الانتقادات

------------

اقتباس مشكله الناس الي تقرأ عنون الموضوع فقط

تبي تشوف اكثر مثل هالأشكال لاتروح بعيد


----------------

اقتباس مابقى الا تمنعنا من انكار المنكر

اي انكار منكر الله يخليك ياغالي

من قال اني منعت من انكار المنكر

ياغالي رح لم منتديات اللي يتابعونها وهناك انكر المنكر وانصح
اما هنا الحمد لله محافظين فكيف تنكر وهم اصلاً غافلين عنها ..؟ انت تذكرهم تقولون لهم ترا طاش صار فيها كذا وسوت كذا وطاحت بكذا ..
وحنا وش نبي بأخبارهم
جعلهم بجفره كلهم وش علينا ..؟


------------

اقتباس وأنت كذلك ... استأت من تصرفهم وكلامهم ,لكنك لم تنجح في نقدك لهم .

بعدي والله على هالرد اللي يثلج الصدر
والله كلامك على العين والراس ونصيحتك ثلج على قلبي
وإن شاء الله اجعلها نصب عيني

جعلها الله في موازين حسناتك ياغالي

اويليه لو عشره مثلك بالمنتدى



-----------------------

اقتباس با العكس هذا امتز مسلسل لا وحلقة اليوم شي تبرد التسبد ..

هذا رأيك ..
لكن مايحتاج ترويج

لأنك تكسب اثم على الفاضي

----------------------

اقتباس بإعتقادي وأظن أن أبافهد ( كاتب الموضوع ) يمتلك إسلوبًا أفضل من هذا الأسلـوب .. كلامك سليم وصحيح لكن الطريقة التي كتبت فيها هذا الموضوع قد أحدثت ردة فعل لانريدها ..

آسف والله كلامك صحيح
لكن بحاول اعدل منه بالأيام الجاية بإذن الله تعالى

وجزاك الله خير

------------------

اقتباس انا يقهرني زي الاخت بردها طيب ليه تشوفينها

مثل هالنوعيات واااجد



-------------

اقتباس الحين اللي يقول سخيفين ويهايط علينا تلقاه من أول المتابعين له

اضم كلامي لك
صدقت هذي حالهم للأسف الشديد


إن الله بلاك في مشاهدتها
فشاهدها ولاتجاهر بها للناس وتنتقد


------------------

اقتباس ولو يسير المنتدى هذا كله نقد وسب لحلقات طاش ما ردعناهم بل شجعناهم لأن هذا حق

وش ذنبي إن كنت لاتعلم ماكتبته سطوري
ولاتعرف ماهو مغزى كلامي

اقتباس واللي يقهر صحيح هو أن تحت أسمك عضو مبدع ؟

اللهم لاحسد

اقتباس لأنهم يطلعون المجتمع بصورة كاذبة ليست صحيحة وبعد ذلك يطلعون السذج أمثالتس ويسبون المجتمع وإلا من يكتب حلقاتهم ؟ لبرالي وإلأ علماني سلق حفيانة

إذا انت تعرف ان اللي يكتب حلقاتهم سلق حفيانه
أجل وش نقول عن الذينا يشاهدونها ..؟ سلق عليها نعال ..؟

لاياعزيزي

نحن لانريدك ان تشاهدها ولانريد اي انتقاد

أجل تعال
ليش ماتتكلم عن مسلسل سنوات الضياح وتنصح البنات هنا وتتابعهن حلقة حلقة وكل يوم تجي تضع انتقادك عليها ..؟ وش المانع ..؟

اقتباس هذا المجتمع الي تسخرين منه أثنى عليه المنصفين من عقلاء الغرب وبين قوسين ( لا نحتاج لثنائهم لكن شهادة لم أغتر بهم )

والله انك من جنبها



----------------

اقتباس أنا مؤيد لك يابوفهد بشكل عام. فعلاً من يتكلم عن طاش ما طاش هو يروّج لها من دون أن يعلم. من وجهة نظري أن الوسطية أمر مطلوب في هذه المسألة. كل سنة انتقاد وطاش سوّت وطاش حطّت، وبالأخير طاش ما طاش كل سنة تسوي اللي تبيه. وش سويتوا أنتم؟ لا شيء.

شكراً لك ابو ريم
ويعطيك الف عافيه على إطلالتك



--------------------

اقتباس طيب انت يا اللي حطيت الموضوع اول من تكلمت وفاتح موضوع جديد يعني خالفت كلامك انت كذا مثير كان كملت في موضوع امس ليه تفتح موضوع ثاني ويمكن ثالث تحياتي

لأني شفت المواضيع كثرت عن طاش والترويج لها بطريقة عجيبه وغير مسبوقه فحبيت انبه لهذا الخطر
ولم أشاهد اي حلقة عشان اجي انتقد او انافح عنها ياغالي ولم اكتب عن حلقة واحدة فكيف أكون معارض لكلامي ..؟


-------------------

اقتباس اللي استغربه انهم يشوفونه ويتابعونه بعدين يجون هنا يسبون .. من الاساس لاتشوفونه وخلاص

صدقتي
كلام عين العقل

اقتباس وللمعلوميه والله مافكرت اني اشوفه ابد الا امس يوم شفتكم مخترشين مسيحيه ومادري ايش قلت خل اشوف وش هم مسوين !!

يعني لو ما احد تكلم عن طاش كان ماشفتيها .. لكن كثرت دعاياتها هنا ورحتي تشوفي ايش الحاصل ..
وهذا نوع دعاية وترويج لم يعرفونه اصحابها .. وهم يروجون لها بغير قصد

ياليت قومي يعلمون



--------------------


شكراً لكم