[أبو قرون]

وش وقفنا عليه ي حبايب

على هذي :

اقتباس يمه أنا ما ودي أعرس الحين بصبر لين اكمل دراستي خلاص ما ابي العرس إيه زين أجل أبقول لأبوتس ويصير خير إن شاء الله .....

أيوه .....

أبو فلان شف ترى فلانة خطبت بنتك لولده والبنت عيت تقول أبي واحد راعي منتر نت !!

وشو وش هالحتسي حنا من يوم دخلنا هالمنترنت والبنت متغيرتن عليناااا لكن هين يصير خيييير يا بنت اللذينا

أمل .... أمل : i121 ... سم يبه .... تعالي ... سم يبه وش تبي ...؟

هو صدز اللي أنا سمعت من أمتس ؟؟؟

هاه وشو لا لا إيه إيه ... لا لا مب قصدي بس يبه أنا ودي أكمل دراستي مابي العرس الحين .

وش هالحتسي الله يصلحتس أنتي تبينن أكسر هالمنتر نت على راستس ؟؟

وشبه ولد الفلان ؟؟ مابه شي يبه بس مثل ما قلتلك ودي أكمل دراستي ؟؟

طيب كم باقي لتس وتقضين من الدراسة ؟؟

باقي لي ثلاث مستويات يبه ..؟ وشن هالمستويات ؟؟ هن جح وإلا وشن

والله يا أم فلان البنت راكبتن راسه ولا ودنا نغصبه على الزواج تعرفين الحين النظام تغير ويحمي البنت بالمحكمة مهب مثل يوم آخذتس هاك السنين جارينتس مع جدايلتس للشيخ اللي ملكنا

لكن خلينا ننتظر ونشوف وش آخرتها ، وقولي لأم فلن البنت تبي تكمل دراسته !

طيب يابو فلان وراه ما تملكهم وبعدين العرس << عاد هذا عقل خخخخخخخخخخ تبي ولد الأجواد أبو قرون يصبر ثلاث سنين والله يا نا أباوافق بعد خله تعنس بنت اللذينا


لا لا يابنت الأجواد الناس مهب صابرين ثلاث سنين ولا جو وخطبوا البنت لولدهم إلا لأنهم مستعجلين !

والله أنه حسافة أبو قرون يا بو فلان منين نبي نلقى غيره ؟؟

لا لا ماعليتس يا بنت الأجواد الرجاجيل واااجد الحمد لله << والله من قله لكن لا تفوتون أبو قرون أزين لكم

طيب الله يكتب الخيرة .....

تترررررن .... ترررررن ... تررررررن ... ألو هلا أم فلان وشلونكم وشلون البنية << ياحول تحسبهم موافقين

والله أنه بخير لكن بغيت أقولتس يا أم فلان .... والله البنت وده تكمل دراسته وباقي له ثلاث سنين وتسان ولدكم أبو قرون يبي يصبر الله يحييه << طبعاً أبو قرون يسترق السمع

والله يا أم فلان أن الولد شابن علينا والله أنه كل يوم يسبح ما أدري وش هالنظافة اللي حلت عليه منول ما يسبح إلا بالشهر مرة والحين كل شوي داخل يسبح والله أننا عجزنا نرد عليه بالثياب

هو هو وراه وش به ولدكم وش اللي جاوه ؟؟ والله مادري ياوخيتي .... لكن كل ما سألته قال يمه النظافة من الإيمان :113
إيييه زين يالله أجل مع السلامة .....

جاء أبو قرون لم أمه .... هاه يمه وش صار على ( أمل ) ؟

والله ياوليدي يقولون البنت عيت يقولون تبي تكمل دراسته !!

إيه عسى المانع خير يمه << يقاله ما ضاق صدره

بعد يوم ويومين وثلاثة أيام واربعة ... يا وليدي اشوفك بديت ما تسبح وراه وش جاك ؟؟

إيه يمه صار بي حساسية ورحت للدختور وقالي ترى كثر السباحه مهب زينه لأنه تسبب لك حساسية بالمخ << إيه هين يا ولد الذينا أجل حساسية

وخلصت الحدودته

انتظروا موضوعي الجديد ...... عن الشباب في هذا الوقت

إييه نسيت أقولكم عن البنت تراه تخرجت ولا أعرست إلا هالحين لأنه عنسسسسسست وتوظفت بالمستشفى بعد اللي يبيه يعلمن أخطبه له << ما نفعت روحك تنفع الناس


سسسسحبايبي