[المنخرش]

( إجابة الحلقة الثالثة )

ابو رزان
هههههه
وانت كل هالوقت تترصد

وبعدين من وين تجيب هالتراث وهالمعلومات ..؟

والله يانت غريب

بس اشوى انه وصلت هالمواصيل ماتعدت شوي ..

اتمنى لو انا اقابل نفسي .. انواع الفضايح

اقتباس ســ/ أخي أبو فــهــد قرأت لك مقال بأحد المواقع الإلكترونية تقول فيه ( حكمة اليوم ..

اقتباس إذا أكل الإنسان طعاماً حتى امتلأت معدته ..فإنه لا يشتهي الأكل بعدها .. حتى يجوع .. وهذا أثبته الأطباء .. ) ممكن تقول لنآ وش الفايدهـ العظيمة من هالمقال ؟؟

الفائدة اني خفت أحد يجي وياكل بعد مايشبع ويكون مالا يحمد عقباهـ

اقتباس فضلاً جاوب على قد السؤال

سم طال عمرك

اقتباس ســ/ أيضاً قرأت لك مقال تقول فيه ( من المعروف أن العينين للنظر .. والأُذُنين للسمع .. فلا يمكن للإنسان .. أن يسمع بعينه ..

اقتباس أو أن يبصر بأذنه أبداً .. ) أكيد إنك ماتشوف مع ركبتك ولا تنفّس مع الــ لكن السؤال هل سبق وأن لبسوك قميص بالمقلوب وشالوك للنفسيه ؟؟ أنا أشك إن من خريجينها

حبيبي

النصيحة ضالة المؤمن ياغالي
وبعدين من باب التذكير ..

لا والله .. بالعكس هذا عين العقل ياغالي
هل معلوماتي خطأ ..؟ إذا خطأ صححلي وانا اتجاوب معك
بالعكس اتقبل وجهات النظر

اقتباس ســ/ حبيبي أبو فهد عطنا سآلفتك مع ولد الـر؟؟؟ و ( الزبالة ) أيام الثانوية ؟؟

اولاً شي تراه زواج ولد الربيش .. بثاني العيد .. ابغوله واطلع عيونه انتقاماً

تقصد ايام الدشارة وليس الثانوية ..
المشكلة تحفيظ قرآن الله يخلف .. مهب عادية ولا اهليه

قصتي مع الزباله وانتم بكرامه
ليست محكوره على ولد الربيش

بل يمكن 3 من نفس الفصل وواحد من الفصل الثاني

جسمي خبرك .. ضعيف
بس لساني الله يهديه سليط

وعندني بالفصل من أعز الناس والأصحاب لقلبي
جسمه كبير ولسانه هادئ جداً جداً
لو يبادلن جسم فقط بالفصل .. اكون له من الشاكرين

المهم ..

كنت من النوع المتمركز بالفصل . يعني مكاني بالنصف . او بالأصح مالي مكان بالأصل .. كلن ياخذ مكاني

وإذا جت فسحة الثانية ..

اول مايرن الدرس .. يجي واحد ويشلن ويسلقطن مع رجليني بالزباله
طبعاً هو معنا بالمنتدى
طبعاً جسمه كبر بليس
أنا استسلم له
ويشلن بيد واحدة ويسلقطن ويطلع يتفسح
يعني واجبه عليه هالحركة

إذا حمق على المدرس .. شالن
إذا زعل .. شالن
إذا تهاوش مع احد .. شالن
يعني بأي مناسبة .. مردي للزباله الزرقاء

أنا لو الله يفكن من لساني .. ماوصلنا هالمواصيل
بس مقرود ومهايطي

اما ولد الربيش .. فهو عضو مشارك في حمله الزباله ..
لكن إذا غاب بليس الأكبر

يعني تقدر تقول .. الدعوى تناوب

حتى المدرسين يعرفون هالسالفة ..

اعتقد لأنه مافيه احد بالمدرسه يدخل جسمه إلا انا ذيك الأيام

اقتباس ســ/ يوم أنت ( سنفور ) وعطوك أهلك الباص الصغير حصل لك موقف مع وآحد راعي سيارة ولحقكم والظاهر

اقتباس إنه موقف مانتب ناسيه أبد أولاً ليش لحقكم ومتى وقفت أو علمنآ السالفه كامله ولاتغبي شي علينا وهل صحت ام لأ

قل آمين

الله لايبارك بجفنشي
اتوقع هو السوسة ..

ولا وش يدريك بالموقف يابن الذينا ..

والله السالفة غبيه شوي

بطريق الهديه .. عند محل غاز المحيميد

فيه مديور ..
انا تعديته .. وارجعت لين وصلت المفرق .. لكن مالفيت .. انتظر السيارات تخلص

إلا وانا اسمع ذاك الفرامل قوي جداً لعب بعصافير قلبي

وياقف يهوش
انا ما اخطيت .. هو يحسبني أبمشي ولا مشيت .. اتوقع هذا خطأي

المهم هجيت
ليش هجيت .. مادري

وانا اخل الوسيطى
واضيع فيه شوي ..

فعلاً

شوي ويجين اتصال من واحد من العيال .. يقول منهو اللي يلحقك .. قلت مادري
قال تعال تعال

رجعت لمه ووقفت

هذا راعي السيارة
لقانا وجاء قدام السيارة ووقف وثنين من خوياي موجودين
يقولون حنا نبي نفزع

نزل الرجل
وجاء لمي

العيال ينظرون

يووم عطان ذاك المخمس مع صوابري .. يوم انقطع الارسال وبدت تصن الأذن والمخ تلخبط والدنيا حوسه
هههههههههههههه

وياخذ شماغي . العيال اللي يبي يفزعون ايقالهم .. راحو يترجونه يرجع الشماغ
امحق من فزعه ههههههههه

المهم اخذت شماغي وشوا اني بجنب البيت ..
ولا كان رحنا ملح

وإلى ساعك واذني تصن من الطراق

اقتباس ســ/ أنت رحت لـ بريطانيا علمنا وش أغرب موقف حصل معك ؟؟

والله تقدر ترجع لموضوعي وتشوف وش كثر المواقف مدعومات بالصور ..

والله موقف خاص .. ما اذكر بالضبط وش تبي ..
لأن بعضها ينقال وبعضها مشفر

أذكر موقف بسيط بس حلو

كنت في لندن يوم اجازه وانا والغالي . ابو حسين رفيقي هناك
اللي هو زحل في المنتدى

كنت لابس بلوزتي .. قصدي بدلتي الجنتل ام كرفته ..

تحسون اني رجل ..

كنت انا وابو حسين واقفين الساعه 9 الصباح .. عند محطة الباصات .. مانعرف كيف نقص تذكرة من الآله
المهم وجالسين نقرأ تعليمات
شوي وتجي بنتين من ورا .. تقولي
اكسكيوزمي

تقولي اني ابرجع مع القطار
ولا احتاج التذكرة .. ادعس
طبعاً أنا اخذتها .. لكن

اتوقع انها ماشافت الوجه .. شافتن من ورا ومعي الشمسية .. قالت وش هالفلوس والجنتل
يوم التفت لها .. طاح لسانه

المهم اخذت التذكرة ..
قال ابو حسين .. وانا ههههههههههههههههههههههههه
تنسيم ابوك يالاقلاع

قالت الثانية .. خذ حقتي

والحمد لله اخذناهن وركبنا الباص يوم كامل

هذي فوائد البدله

اقتباس ســ/ يوم انت وماجد والصباخ بماليزيا وش الموقف المضحك اللي حصل مع مجوودي

ههههههههههههههههههههههه
ماجد .. ياكثر مواااقفه ياناس .. قسم بالله هالقزم مهب معقول

موقف واحد اذكره على السريع ..

كنا في مدينة المائية ..

كان فيه زحليقه طويلة جداً جداً يعني تنزل بشكل مخيف

ركبت اول واحد .. (كل واحد لحاله)
ومزبوط
ابو ريم ..
مزبوط

ركب ماجد

لعله مع التزحلق .. نط وطاح على مقعده على الزحليقه .. ههههههههههههههههه
وخذ ياضحك ..
فطسنا ضحك عليه ..
رفض يركب أي شي فيه تزحلق .. بعيد

اقتباس حبيبي أبو فهد أرجو أن تعذرني بـ أسلوبي معك فالمقصود الفرفشه وانت أخبر عآدي عندك الواحد يتوطاك

لا ابد يابو رزان خذ راحتك ياقلبي