|
حادثة صارت معي وابي آرائكن
السلام عليكم
بقولكم سالفتي وانا الى الحين ماني بمصدقه عيوني
الزبده....
اني بشهر شعبان اللي فات اتفقت اما وصديقاتي اننا نجتمع
لأني من زمان ماشفتهن
وقررنا نجتمع بملاهي الأسره
وكنت يمكن حوالي 3سنين مارحت له
وكنت احاول بأمي انه تروح معي لأن مابه بالبيت الا انا وياه
وصعبه ابروح واخليه
وهي رافضة تروح تقول اخاف به احد لابس عاري من عاد بس نستأثم
وانا وامي من النوع الحيوي مرره وصعبه اننا نمسك احد وننصحه
المهم قلت لامي ابد ان شاء الله مانلقى احد لبسه عاري احسب انهم على خبري
بنات ديرتنا بهن الستر
ويوم رحنا ودخلنا الملاهي الصراحه جتن صدمه؟؟
ماصدقت عيوني اللبس اللهم ارحمنا برحمته
من جد شي مخزي
نص الصدر والظهر طالع غير اليدين والفستان الى فوق الركبه
ماشفت احد لبسه ساتر ابد الا اللهم بنات واضح انهم موب من القصيم
قلت بنفسي وين مدح بنات بريده بالستر والصلاح الله يخلف مير
صاروا غيرنا احسن منا
بالله وش رايكم
هذا اللي يسمونه تطور
الا هو التخلف عينه بعلمه
ومن متى صار اللبس العاري تطور
حينما كانت الدوله الاسلاميه بأقصى تطورها وازدهارها
هل كان من تعري نساءها ام من تمسكهن بدينهن هن واشقاءهن من الرجال؟؟فلله در ذلك الزمان
ابي ردود تفسر لي هذا
|